http://encyclopedia.gov.lk/ltrl_cyclopedia/si_encyclopediaV2/index.php?action=history&feed=atom&title=%E0%B6%91
එ - සංශෝධන ඉතිහාසය
2026-04-23T15:12:17Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki
http://encyclopedia.gov.lk/ltrl_cyclopedia/si_encyclopediaV2/index.php?title=%E0%B6%91&diff=991&oldid=prev
Chamila: 'සිංහල වර්ණමාලාවේ තෙළෙස්වන අක්ෂරයයි. එය පණකුර...' යොදමින් නව පිටුවක් තනන ලදි
2017-09-13T12:52:44Z
<p>'සිංහල වර්ණමාලාවේ තෙළෙස්වන අක්ෂරයයි. එය පණකුර...' යොදමින් නව පිටුවක් තනන ලදි</p>
<p><b>නව පිටුව</b></p><div>සිංහල වර්ණමාලාවේ තෙළෙස්වන අක්ෂරයයි. එය පණකුරකි. ව්යඤ්ජනාක්ෂරයකට එය ආරූඪ වූ බව දැක්වීමේ දී ගාත්රාක්ෂරයෙහි හල්භාවය දක්වන ලකුණ ඉවත් කොට අකුරට මුලින් කොම්බුවක් (නි. ක්+එ=කෙ) යොදනු ලැබේ. එකාරය උගුරෙන් සහ තල්ලෙන් උපදින බැවින් කණ්ඨතාලුජාක්ෂරයක් වෙයි. ස්ථාන දෙකක් ආශ්රිතව උච්චාරණය වන බැවින් ද්විජාක්ෂරයක් ද වෙයි. සංස්කෘත භාෂාවෙහි එකාරයාගේ උච්චාරණය දීර්ඝ, ප්ලුත වශයෙන් දෙවැදෑරුම් වෙයි. පාලි භාෂාවෙහි එකාරය දීර්ඝ ස්වරයක් හැටියට හඳුන්වා ඇතත් සංයෝගයකින් පූර්වයෙහි හ්රස්වව උච්චාරණය කරනු ලැබේ. නි. එත්ථ; සෙට්ඨ<br />
<br />
පැරණි හා මධ්ය ඉන්දියානු යුගයෙහි දක්නා සියලු ම දීර්ඝ ස්වර සිංහලට ඊමෙහි දී හ්රස්ව වී සිටීම සාමාන්ය රීතියි. මෙසේ සකු පාලි ප්රාකෘත භාෂාවන්හි දක්නා ඒකාරය සිංහලයෙහි එකාර වී සිටී. නිදසුන්: සං. ආක්ෂෙප, පා.අක්ඛෙප, ප්රා.අක්ඛෙව>අකෙව්; සං.ආලෙපන>අලෙව්; සං.ඒරණ්ඩ>එරඬු,එඬරු; සං.ප්රෙම>පෙම්; සං.පා.වෙදනා>වෙයින්. සකුවෙහි දක්නා ඓ යනු ද සිංහලයෙහි බෙහෙවින් “එ” යී සිටී. නි. ඓරාවණ>එරවණ; කෛලාස>කෙලෙස්; ශෛවාල>සෙවෙල්. සකු පාලි වචනවල යෙදෙන-අය-යනු ද නොයෙක් විට සිංහලයෙහි “එ” යී සිටී. නි. විජයබාහු>විජෙබා. තවත් විවිධ නයින් සිංහලයට ආ “එ” කාර භාෂාවෙහි දක්නට ලැබේ. <br />
<br />
උදා.පා.සොත්ථීය>සෙත්;සං.භොවාදි>බෙවැදි;සං.පඞ්ක්ති,පා.පන්ති>පෙත්;සං.ශාන්ති>සෙත්:සං.චාමර>සෙමර; සං.ඡායා>සෙය, සේ.</div>
Chamila