http://encyclopedia.gov.lk/ltrl_cyclopedia/si_encyclopediaV2/index.php?action=history&feed=atom&title=%E0%B6%9A%E0%B7%99%E0%B6%B8%E0%B7%8A. 2026-05-13T23:25:13Z විකියෙහි මෙම පිටුව සඳහා ඇති සංශෝධන ඉතිහාසය MediaWiki http://encyclopedia.gov.lk/ltrl_cyclopedia/si_encyclopediaV2/index.php?title=%E0%B6%9A%E0%B7%99%E0%B6%B8%E0%B7%8A.&diff=1231&oldid=prev 2017-09-26T12:52:39Z

<p>&#039;ආරක්ෂා කිරීම සඳහා හෝ රෝග නිවාරණාදිය සඳහා කරන ඇ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ආරක්ෂා කිරීම සඳහා හෝ රෝග නිවාරණාදිය සඳහා කරන ඇතැම් ක්‍රියා කෙම් නම් වේ. කෙම ගුප්ත වශයෙන් කළ යුතු වැඩකි. එය නියමිත පරිද්දෙන් කළ හොත් නොවැරදී ම අත්දුටු ඵල ලැබෙන කාර්‍ය්‍යයක් බව බොහෝ දෙනා විශ්වාස කරති. ගොවි කර්මාන්තයෙහි දී හා රෝගාබාධයන්හි දී ද කෙම් කිරීම සිරිතකි. මෙය සිංහල දේශීය සංස්කෘතියට අදාළ වූ පිළිවෙතක් හැටියට සලකනු ලැබේ. ඇස්වහ, කටවහ ආදියෙන් ළදරුවන්ට වැලඳෙන ආබාධයන්හි දී කෙම් කරති. මීට විශ්වාසය හා පවිත්‍රතාව අවශ්‍ය සේ සැලකේ. කුඹුරුවල සස්‍යවලට වන උපද්‍රවයන් හා කමතෙහි ධාන්‍යවලට සිදු විය හැකි යයි සිතෙන හානි වැළැක්වීමට ද කෙම් කරති. උදාහරණයක් වශයෙන්, කපුටා හඬන්නට පෙර අලුයම් කාලයේ කිසිවකුගේ කටහඬක් නොඇසෙන විටක අවදිව කම්මලකට ගොස් යකඩ පණ පොවන ජලයෙන් ස්වල්පයක් ගෙනවුත් මුහුණ සෝදන්නට දීමෙන් ඇස්වහ, කටවහ දෝෂ දුරුවන්නේ යයි විශ්වාස කරති. <br /> <br /> කෙම් කිරීමේ පුදුම සිරිත් අප රටේ ජනයා අතර පවත්නේය. ගෝනුස්සකු දෂ්ට කළ කල ඇඳිවත අනික් පිට දමා හැඳීමෙන් විෂ දෝෂය දුරු කිරීම නිදසුනකි. <br /> <br /> මහායාන බෞද්ධ සම්ප්‍රදායට අයත් තන්ත්‍රයානය ලක්දිව පැතිරීම කරණ කොට ගෙන තාන්ත්‍රික මත සිංහලයන් අතර බහුල විය. කෙම් කිරීමේ පිළිවෙත ද තාන්ත්‍රිකයන්ගෙන් පුරුදු වූවකැයි සිතිය හැකිය.<br /> <br /> පී. ඇම්. පී. අභයසිංහ</div>

Chamila