http://encyclopedia.gov.lk/si_encyclopedia/index.php?action=history&feed=atom&title=%27%E0%B6%AF%E0%B7%80%E0%B7%83%27 2026-05-18T14:08:18Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%27%E0%B6%AF%E0%B7%80%E0%B7%83%27&diff=5183&oldid=prev 2024-03-14T07:52:14Z

<p>&#039;සීමාසහිත ස්වාධීන ප්‍රවෘත්ති පත්‍ර සමාගම මඟින...&#039; යොදමින් නව පිටුවක් තනන ලදි</p> <p><b>නව පිටුව</b></p><div>සීමාසහිත ස්වාධීන ප්‍රවෘත්ති පත්‍ර සමාගම මඟින් කැරෙන දිනපතා සිංහල පුවත්පතෙකි. 1961 ජූලි 27 දා මුද්‍රණද්වාරයට නිකුත් වීමට නියමිතව තිබුණ ද 'දවස' මංගල කලාපය මහජනයා අතට පැමිණියේ 1961 අගෝස්තු 14 දින ය. දවස පුවත්පතෙහි ආරම්භක ප්‍රධාන කර්තෘවරයා වූයේ සුප්‍රකට පුවත්පත් කලාවේදියකු වූ ඩී.බී. ධනපාල මහතා ය. 'දවස' පුවත්පත් ආයතනය මඟින් නිකුත් කරන ලද ඉරිදා සිංහල පුවත්පත 'රිවිදින' නම් විය. 'දවස', 'රිවිරැස', 'රිවිදින' පුවත්පත් ඉතා ඉක්මණික් පොදු ජනයා අතර ජනප්‍රිය වූ අතර තවත් පුවත්පත් කිහිපයක් දවස ආයතනය මඟින් වාර සඟරා වශයෙන් නිකුත් වූයේ ය. එය 'සන්' නමින් උදේ ඉංග්‍රීසි පත්‍රයක් ද 'ස්ටාර්' නමින් උදේ ඉංග්‍රීසි පත්‍රයක් ද 'තන්දි' නමැති දෙමළ පත්‍රයක් ද 'රාධා' නමින් කලාවට කැප වූ දෙමළ වාර සඟරාවක් ද 'චින්තාමනී' නමින් ඉරිදා දෙමළ පත්‍රයක් ද යනාදී වශයෙන් පුවත්පත් රැසක් මේ ආයතනයෙන් නිකුත් විය. 'ටිකිරි' නමින් ළමයින් සඳහා කැප වූ පුවත්පතක් ද 'ගීතාංජලී' නමින් කවි පුවත්පතක් ද 'ඉරණම' නමින් ජ්‍යොතිෂ පුවත්පතක් ද 'රසකතා' නමින් කෙටිකතා සංග්‍රහයක් ද 'විසිතුර' නමින් චිත්‍රපට පුවත්පතක් ද 'ශ්‍රී' නමින් මාසික සඟරාවක් ද නොබෝ කලකින්ම නිකුත් වීමට කටයුතු යෙදුණේ ය.<br /> <br /> දේශීය සංස්කෘතිය කෙරෙහි සුවිශේෂ අවධානයක් යොමු කැරුණු මෙම පුවත්පත මඟින් වැඩි ගැමි ජනතාවගේ එදිනෙදා ජීවිතයෙහි ගැටළු වැඩි වශයෙන් සාකච්ඡාවට භාජන කැරිණ. කැපී පෙනෙන විශේෂාංග පළ කිරීම නිසා 'දවස' පුවත්පත දිනපතා සිංහල පුවත්පත් අතර දිනෙන් දින ජනප්‍රසාදයට පාත්‍රවිය.<br /> <br /> (කර්තෘ: [[සරත්චන්ද්‍ර ජයකොඩි]]: 1993)<br /> <br /> (සංස්කරණය නොකළ) <br /> <br /> [[ප්‍රවර්ගය: පුවත්පත් ඉතිහාසය]] <br /> <br /> [[ප්‍රවර්ගය: ද]]</div>

Senasinghe