http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%9A%E0%B7%8A%E2%80%8D%E0%B6%BB%E0%B7%8F
අක්රා - සංශෝධන ඉතිහාසය
2026-05-23T18:30:21Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%85%E0%B6%9A%E0%B7%8A%E2%80%8D%E0%B6%BB%E0%B7%8F&diff=1217&oldid=prev
පරිපාලක: 'අප්රිකාවේ ඝානා සමූහාණ්ඩු රාජ්යයේ අග නුවර අ...' යොදමින් නව පිටුවක් තනන ලදි
2023-05-30T05:15:43Z
<p>'අප්රිකාවේ ඝානා සමූහාණ්ඩු රාජ්යයේ අග නුවර අ...' යොදමින් නව පිටුවක් තනන ලදි</p>
<p><b>නව පිටුව</b></p><div>අප්රිකාවේ ඝානා සමූහාණ්ඩු රාජ්යයේ අග නුවර අක්රාය (උ.අ. 50 35' හා බ. දේ. 00 15'). ඝානාවේ විශාලතම නගරය හා ප්රධාන නැව් තොට ද මෙය වේ.<br />
<br />
ගිනී බොක්කේ පිහිටි අක්රා නගරයෙහි දේශගුණය සාමාන්යයෙන් වියළිය; එහෙත් සිසිල්ය. සාමාන්ය වාර්ෂික වර්ෂාපතනය අඟල් 29ක් පමණ වේ. <br />
<br />
වරින්වර ඉදිකරන ලද පෘතුගීසි, ඩේන්, ඕලන්ද හා බ්රිතාන්ය බලකොටු වටා මේ නගරය වැඩිණ. යුරෝපීයයන් සමඟ වෙළඳාම් කිීම සඳහා ස්වදේශීය ජනයා මෙහි රොක්වීමෙන් ජනගහනය ද ශීඝ්ර ලෙස වැඩි විය.<br />
<br />
මෑතක් වන තෙක් ගෝල්ඩ් කෝස්ට් නමින් පැවති බ්රිතාන්ය යටත් විජිතයෙහි අගනුවර 1877 දී කෙේප් කෝස්ට්හි සිට අක්රා නගරයට මාරු කිරීමත් 1923 දී අක්රාහි සිට කුමාසි නගරය දක්වා දුම්රිය මාර්ගයක් සෑදීමත් මෙහි වර්ධනයට හේතු වූ තවත් කරුණුය.<br />
<br />
ප්රාදේශීය හා ජාත්යන්තර ගුවන් සේවාවන් මගින් ප්රයෝජනයට ගනු ලබන ගුවන්තොටක් අක්රාහි ඇත. ඝානා ගුවන් විදුලි සේවය ප්රචාරය වන්නේ ද අක්රා නගරයෙනි. රජයේ විවිධ දෙපාර්තමේන්තු ද ඝානාහි ප්රධාන ද්විතීයික අධ්යාපන ආයතනය වන අවිමෝතා විද්යාලය ද, ඝානා විශ්වවිද්යාලය හා ජාතික කෞතුකාගාරය ද පිහිටා ඇත්තේ අක්රාහිය. කෝර්ලෙබු ආරෝග්යශාලාව, ජෝජ් v රාජ අනුස්මරණශාලාව හා මධ්යම කෘෂිකර්ම විද්යාගාරය ද, ඝානාහි කර්මාන්ත සංවර්ධන සංයුක්ත මණ්ඩලය මගින් 1957 දී පිහිටුවනු ලැබූ ඇම්බැසටර් හෝටලය ද අක්රා නගරයෙහි ඇති තවත් ප්රසිද්ධ ස්ථානයෝය. පිටරට යැවීම සඳහා ප්රාදේශීය පතල්කරුවන්ගෙන් දියමන්ති මිලයට ගන්නා රජයේ දියමන්ති වෙළඳ පොළක් ද අක්රාහි ඇත. ඝානාහි නිපදවනු ලබන කොකෝවා, පාම් මද, රබර්, හම්, දියමන්ති, රන් හා දැව විශාල වශයෙන් අක්රා නැව්තොටින් පිටරට යවනු ලැබේ. ටෙමාහි ඉදිකරනු ලබන අංග සම්පූර්ණ නව වරාය නිම වූ විට නැව්තොටක් වශයෙන් අක්රාහි වැදගත්කම අඩුවීමට ඉඩ ඇත. <br />
<br />
අක්රාහි ජනගහනය 1960 මූලික ගණන් ගැනීමඅ නුව 3,88,231කි.<br />
<br />
(සංස්කරණය:1963)<br />
[[ප්රවර්ගය:අ]]</div>
පරිපාලක