http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%AF%E0%B7%8A%E0%B6%B8%E0%B7%92%E0%B6%BB%E0%B7%8F%E0%B6%BD%E0%B7%8A 2026-05-23T19:17:39Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%AF%E0%B7%8A%E0%B6%B8%E0%B7%92%E0%B6%BB%E0%B7%8F%E0%B6%BD%E0%B7%8A&diff=1526&oldid=prev 2023-06-05T08:00:07Z

<p>&#039;මෙසේ හැඳින්වෙන්නේ නැව් හමුදාවක අධිපතියායි. ම...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙසේ හැඳින්වෙන්නේ නැව් හමුදාවක අධිපතියායි. මොහුගේ තත්ත්වය යුද්ධ හමුදාවේ අධිපති fපීල්ඩ් මාර්ෂල් කෙ‍නකුගේ තත්ත්වයට සමානය. අද්මිරාල් යන තනතුරු නාමය භාවිතයට ආයේ දහතුන්වන සියවසින් පසුව බව පෙනේ. ඊට පෙර යුරෝපයේ රටවල නාවික හමුදා නායකයන් හැඳින්වූයේ ජනරාල් නොහොත් කැප්ටන් ජනරාල් යනුවෙනි. අද්මිරාල් යන නාමය &quot;අමිර් අල් බහාර්&quot; (සමුද්‍රාධිපති) යන අරාබි වචනයෙන් බිඳී ආ ඉංග්‍රීසි වචනයකි. අද්මිරාල් යන වචනය හා තනතුර එංගලන්තයේ මුලින් ම භාවිතයට ආයේ ක්‍රි. ව. 1297 මාර්තු මාසයේ සිටය. මුලින් ම මේ තනතුර දැරූ ඉංග්‍රීසි ජාතිකයා ශ්‍රීමත් විලියම් ලෙබෝන්ය. බ්‍රිතාන්‍ය හා ඇමෙරිකානු නාවික හමුදාවලට පත් කොට ඇති අද්මිරාල්වරුන් ඔවුන්ගේ ජ්‍යෙෂ්ඨත්වය අනුව වර්ග සතරකට බෙදා ඇත. Fප්ලීට් අද්මිරාල්, අද්මිරාල්, වයිස් අද්මිරාල් හා රියර් අද්මිරාල් යනු මේ වර්ග සතරයි.<br /> <br /> පුරාතන ඉන්දියාවේ නැව් හමුදා භාරව සිටි නිලධාරීන් හැඳින්වුණේ නාවිකාධ්‍යක්ෂ හා නාවාධ්‍යක්ෂ යනාදි නම්වලිනි. මොවුන් ද සිංහල සාහිත්‍යයෙහි &quot;නැව්නා&quot; නමින් හැඳින්වුණ තැනැත්තා ද &quot;අද්මිරාල්ට&quot; සමාන තනතුරු දැරූවන් ලෙස සිතිය හැක.<br /> <br /> (සංස්කරණය:1963)<br /> [[ප්‍රවර්ගය:අ]]</div>

පරිපාලක