http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B1%E0%B6%BA%E0%B7%92%2C_%E0%B6%B8%E0%B7%8F%E0%B6%B0%E0%B7%80_%E0%B7%81%E0%B7%8A%E2%80%8D%E0%B6%BB%E0%B7%93%E0%B7%84%E0%B6%BB%E0%B7%92_%281880-%29 2026-05-15T03:22:41Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B1%E0%B6%BA%E0%B7%92,_%E0%B6%B8%E0%B7%8F%E0%B6%B0%E0%B7%80_%E0%B7%81%E0%B7%8A%E2%80%8D%E0%B6%BB%E0%B7%93%E0%B7%84%E0%B6%BB%E0%B7%92_(1880-)&diff=1799&oldid=prev 2023-06-11T07:52:04Z

<p>&#039;බිහාර්හි ආණ්ඩුකාර පදවිය දැරූ මෙතෙම වරක් ලංකා...&#039; යොදමින් නව පිටුවක් තනන ලදි</p> <p><b>නව පිටුව</b></p><div>බිහාර්හි ආණ්ඩුකාර පදවිය දැරූ මෙතෙම වරක් ලංකාවේ ඉන්දියානු නියෝජිතයා වශයෙන් ද කටයුතු කෙළේය. නාග්පූර්හි මොරිස් විද්‍යාලයෙහි අධ්‍යාපනය ලැබූ මෙතෙම 1908 දී නීතිඥ වාත්තියට බැඳුණේය. දේශපාලන කටයුතුවලට ලැදිකමක් දැක්වූ ඔහු 1924 දී ඉන්දියාවේ මධ්‍ය ප්‍රදේශය වෙනුවෙන් ව්‍යවස්ථාදායක සභාවේ පෙනී සිටියේය. නිදහස අරභයා ගාන්ධි තුමාගේ ප්‍රමුඛත්වයෙන් ගෙන ගිය සහයෝගතා වර්ජන ව්‍යාපාරයට එක් වූ ඔහුට බන්ධනාගාර ගතවීමටද සිදුවිය. ජාතික සංගමයෙහි හා හින්දු මහාසභාවෙහි ද ප්‍රබල සාමාජිකයකු වූ ඔහු 1924-25 සහ 1931-34 යන කාලපරිච්ඡේදයන්හි දී ජාතික සංගමයේ කාර්‍ය්‍ය මණ්ඩලයෙහි ද සාමාජිකයෙක් විය. බෙරාර්හි ප්‍රාදේශීය කොංග්‍රෙස් කාරක සභාවේ සභාපති වශයෙන් 1921-30 දක්වා කටයුතු කළ බව ද සඳහන් වේ. 1933 දී ඉන්දියානු ජාතික සංගමයේ වැඩබලන සභාපති ධූරය පැවරුණේ ද මොහුටය. සමස්ත ඉන්දියානු හින්දු සංගමය පිහිටුවන ලද්දේ ද මොහු විසිනි. අග්‍රාණ්ඩුකාරතුමාගේ විධායක මණ්ඩලයේ සාමාජිකයකු (1941-43) වශයෙන් කටයුතු කළ මොහු ඉන්දියානු ආණ්ඩුවේ නියෝජිතයා වශයෙන් 1943 දී ලංකාවට එවනු ලැබීය. 1947 වන තෙක් එම පදවියෙහි සිටි හෙතෙම බිහාර්හි ආණ්ඩුකාර පදවිය ලැබ ආපසු ගියේය. අනයි මහතා 1948-52 දක්වා නාග්පූර් විශ්වවිද්‍යාලයේ හා බරණැස් හින්දු විශ්වවිද්‍යාලයේ පාලක සභාවන්හි සාමාජිකත්වය ද ඉසුලුවේය. දේශපාලනඥයකු වශයෙන් ද බහුශ්‍රැත ජනනායකයකු වශයෙන් ද භාරතීය ජනයාගේ ගෞරවයට පාත්‍ර වූ මොහු ඉන්දියානු පාර්ලිමේන්තුවේ නාග්පූර්හි මන්ත්‍රීවරයා වශයෙන් ද පෙනී සිටියේය.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe