http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B1%E0%B7%8A%E0%B6%AF%E0%B7%9D%E0%B6%BD%E0%B7%92_%E0%B6%B8%E0%B6%A9%E0%B7%94%E0%B7%80_%28%E0%B6%85%E0%B6%B1%E0%B7%8A%E0%B6%AF%E0%B7%9D%E0%B6%BB%E0%B7%94_%E0%B6%B8%E0%B6%A9%E0%B7%94%E0%B7%80%29 2026-05-15T00:38:29Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B1%E0%B7%8A%E0%B6%AF%E0%B7%9D%E0%B6%BD%E0%B7%92_%E0%B6%B8%E0%B6%A9%E0%B7%94%E0%B7%80_(%E0%B6%85%E0%B6%B1%E0%B7%8A%E0%B6%AF%E0%B7%9D%E0%B6%BB%E0%B7%94_%E0%B6%B8%E0%B6%A9%E0%B7%94%E0%B7%80)&diff=1943&oldid=prev 2023-06-20T06:33:18Z

<p>&#039;පුරාණයෙහි විශේෂයෙන් ම මහනුවර යුගයෙහි රටේ පැව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>පුරාණයෙහි විශේෂයෙන් ම මහනුවර යුගයෙහි රටේ පැවති මාර්ගවල තත්ත්වයට අනුව ගමන් යාම සඳහා පිළියෙල කරගෙන තිබුණු යානවාහන අතර දෝලා, පල්ලැක්කි, කූණම් සහ අන්දෝලි විශේෂ තැනක් ගත්තේය. මේ හැම යානයක් ම මිනිසුන් විසින් උසුලාගෙන යනු ලැබීය. මේ යාන වර්ග සතර භාවිතයෙහි ද කිසියම් විශේෂතාවක්ව විය. රදලවරුන්ගේත් ඔවුන්ගේ කුමාරිහාමිලාගේත් ගමන් යෑම සඳහා දෝලාව පාවිච්චි කරන ලදි. මඟුල් තාන්තුවාවල දී ද දෝලා ප්‍රයෝජනයට ගන්නා ලදි. ධර්මදේශනා ආදි ආගමික කටයුතු පිණිස භික්ෂූන් වැඩමවාගෙන යෑම පිණිස යොදා ගන්නා ලද්දේ පල්ලැක්කියයි. කූණම සහ ආන්දෝලිය රාජකීයයන්ගේ පරිහරණය පිණිස ම භාවිත කරන ලදි. ආරක්ෂිතව තිබුණු මේ යාන කීපයක් මහනුවර ජාතික කෞතුකාගාරයේ ප්‍රදර්ශනයට තබා ඇත. ඒවා අතර අන්දෝලියක් දක්නට නොමැත. එහෙත් කුණ්ඩසාලේ රජමහාවිහාරයෙහි සහ හාරිස්පත්තුවේ පල්කුඹුරේ රජමහාවිහාරයෙහි ද අන්දෝලියක කොටස් පමණක් තිබේ. සාමාන්‍යයෙන් අන්දෝලියක හැඩහුරුකම බූරු ඇඳකට සමාන බව ඒ කොටස් සැලකිල්ලෙන් බලන විට පෙනී යයි. මෙය බෙහෙවින් ප්‍රයෝජනයට ගෙන තිබෙන්නේ යුද්ධ කටයුතුවල දී බව ද කියති. කූණම් ආදි වෙන බර යානයකට වඩා සැහැල්ලු හෙයින් ද පහසුවෙන් ඔබමොබ ගෙන යා හැකි හෙයින් ද යුද්ධ ‍කටයුතුවල දී මෙය බෙහෙවින් ප්‍රයෝජන වන්නට ඇත. ඇතමකු මෙයට &quot;අන්දෝරු&quot; යන නම ව්‍යවහාර කරතත් එය වැරදිය. &quot;අන්දෝරු මඩුව&quot; යන්න &quot;අන්දෝලි මඩුව&quot; කියා විය යුතුය.<br /> <br /> අන්දෝලි මඩුව මහනුවර යුගයේ දී සිංහල රාජ්‍යයෙහි පැවති අධිකාරියකි. [[කූණම් මඩුව]] (බ.) යන්නෙන් හැඳින්වුණේ ද මේ අධිකාරියයි. මේ දෝලා දෙපාර්තමේන්තුව භාරව සිටි නිලධාරීන් හැඳින්වුණේ අන්දෝලි මඩුවේ නිලධාරීන් නොහොත් කූණම් මඩුවේ නිලධාරීන් හැටියටය. දෝලාව උසුලන්නන්ගේ ප්‍රධානියා හැඳින්වුණේ &quot;අන්දෝලි පති&quot; යනුවෙනි.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe