http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B1%E0%B7%94%E0%B6%AD%E0%B7%8A%E0%B6%AD%E0%B6%BB අනුත්තර - සංශෝධන ඉතිහාසය 2026-05-15T02:25:41Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B1%E0%B7%94%E0%B6%AD%E0%B7%8A%E0%B6%AD%E0%B6%BB&diff=1827&oldid=prev Senasinghe: 'ශීල, සමාධි ආදි ගුණයන්ගෙන් තම හට වඩා උත්තරීතරයෙ...' යොදමින් නව පිටුවක් තනන ලදි 2023-06-11T11:13:46Z <p>&#039;ශීල, සමාධි ආදි ගුණයන්ගෙන් තම හට වඩා උත්තරීතරයෙ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ශීල, සමාධි ආදි ගුණයන්ගෙන් තම හට වඩා උත්තරීතරයෙක්-ශ්‍රේෂ්ඨ වූයෙක්-නැත්තේ යමක්හට ද හෙතෙමේ අනුත්තර නම් වෙයි. තථාගතයන්වහන්සේ යි. &quot;එකපුග්ගලො භික්ඛවෙ, ලොකෙ උප්පජ්ජමානො උප්පජ්ජති අදුතියො අසහායො අප්පටිමො අප්පටිසමො&quot; (අංගුත්තර එකක) යනාදින් තථාගත වූ සම්මා සම්බුදුහු ලොවැ උපදනා අද්විතීය වූ අසහාය වූ පුද්ගලයා වූහ යි වදාරන ලද්දේ ය. &quot;න මෙ ආචරියො අත්ථි සදිසො මෙ න විජ්ජති&quot; යනාදි නොයෙක් තැන්හි තථාගතයන්ගේ අනුත්තරභාවය දක්වන ලද්දේය. රහත්මඟ සමග සමෘද්ධ වන හෙවත් සම්පූර්ණත්වයට පත්වන සර්‍වඥතා ඥානය ද අනුත්තර නම් වෙයි. සර්‍වඥතා ඥානයට වඩා ශ්‍රෙෂ්ඨ වූ ඥානවිශේෂයක් නැති හෙයිනි. බුදුවරයන්ගේ රහත් මාර්ගය ම මෙහි අනුත්තර වෙයි. ශ්‍රාවකයන්ගේ රහත්මඟ අනුත්තර නම් නොවෙයි. එයින් සියලු ගුණ නූපදවන හෙයිනි. ශ්‍රාවකයන් අතුරෙන් කිසිවකුට රහත්මඟ රහත්ඵලය පමණක් ම ගෙන දෙයි. ඇතැම් ශ්‍රාවකයකුට ත්‍රිවිද්‍යාව ද රහත් මඟින් ලැබෙයි. සමහර කෙනකුන්හට ෂඩභිඥාව ද ලැබෙයි. කිසි ශ්‍රාවක කෙනකුන්ට සිවුපිළිසිඹියා රහත් මඟින් සම්පාදනය වෙයි. සාරිපුත්තාදි මහා ශ්‍රාවකයනට ශ්‍රාවක පාරමිඥානය ද රහත් මාර්ගයෙන් ම සමෘද්ධ වෙයි. පසේ බුදුවරයන්ට ද රහත් මාර්ගය ප්‍රත්‍යෙකබෝධිඥානය ම ගෙන දෙයි. බුදුවරයන්ගේ අර්හත් මාර්ගඥානය සියලු ගුණ සම්පත්තිය ගෙන දෙන හෙයින් &quot;අනුත්තරසම්මාසම්බෝධි&quot; යයි කියනු ලැබේ (මූලපරියාය අටුවා).<br /> <br /> තවද &quot;අනුත්තරං චිත්තං&quot; යනාදියෙහි කාමාවචර සිතට වඩා රූපාවචර අරූපාවචර සිත් ශ්‍රෙෂ්ඨ වන බැවින් අනුත්තර නම් වෙයි. ඒ දෙවැදෑරුම් සිත් අතුරෙනුදු රූපාවචරය සඋත්තර වන කල්හි අරූපාවචර සිත ම අනුත්තර නම් වෙයි. එසේ ම කාමාදි තුන්බිමට අයිති සිත් සඋත්තර වෙයි. අටවැදෑරුම් ලෝකෝත්තර සිත ම අනුත්තර නම් වේ.<br /> <br /> (සංස්කරණය:1963)<br /> [[ප්‍රවර්ගය:අ]]</div> Senasinghe