http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B1%E0%B7%94%E0%B6%B7%E0%B7%80%E0%B6%BA 2026-05-15T02:23:19Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B1%E0%B7%94%E0%B6%B7%E0%B7%80%E0%B6%BA&diff=1839&oldid=prev 2023-06-11T11:39:38Z

<p>&#039;හුදු ස්මෘතියක් නොවන දැනුම අනුභවයයි. සත්ත්වයා...&#039; යොදමින් නව පිටුවක් තනන ලදි</p> <p><b>නව පිටුව</b></p><div>හුදු ස්මෘතියක් නොවන දැනුම අනුභවයයි. සත්ත්වයාගේ නිශ්චය හා සැකයත් ඒ අනුව ඇතිවන අදහස් හුවමාරුව හා ක්‍රියාකාරීවීමත් යන සියල්ල දැනුම නිසා ඇතිවේ. ඥාන, උපලබ්ධි, දැනීම යනු බුද්ධිපර්‍ය්‍යාය වචනයි.<br /> <br /> අනුභවය යථාර්ථ-අයථාර්ථ වශයෙන් දෙයාකාර වෙයි. අනුභවයෙක ඇති යථාර්ථභාවය නම් නිවැරදිකමයි. එනම් අරමුණට හිමි ස්වරූපය දැරීමයි (වැටහීමයි). අරමුණට අහිමි ස්වරූපයක් නොදැරීමයි (නොගැනීමයි). හැම දැනුමක් ම අරමුණක් නිසා හටගනී. අරමුණක් නැති දැනුමක් නොමැත්තේය. අරමුණ පිළිබඳ අවබෝධය ඇති කරන්නේ එම අවබෝධයට ගෝචර වූ අරමුණයි. අරමුණෙහි අයථාර්ථභාවයක් නැතත් ඒ අරමුණ නිසා හට ගන්නා දැනුමෙහි ඇතැම් විට අයථාර්ථභාවයක් හටගනී. එසේ වන්නේ එම දැනුම හටගන්වන අනිකුත් හේතු දූෂිත වීමෙනි. සුදු හක්ගෙඩියක් අරමුණු කොට ඇතිවන දැනුම ද &quot;මේ සුදු හක්ගෙඩියකි&quot; යන ආකාර දැනුමක් ම විය යුතුය. එසේ වූ කල ම එය යථාර්ථානුභාවයක් හෙවත් යථාර්ථවත් දැනීමක් ම වෙයි. හක්ගෙඩියට හිමි ගුණය වූ සුදු පැහැය එකී අවබෝධයෙහි පෙනෙන හෙයිනි. ඇතැම් විට එවැනි අවබෝධයෙක සුදු පැහැය වෙනුවට කහ පැහැයක් පෙනෙයි. එබඳු දැනුම වනාහි &quot;මේ කහ පැහැති හක්ගෙඩියකි&quot; යන අයුරු වේ. අරමුණට හිමි නොවූ කහ පැහැයක් ඥානයට වැටහෙන හෙයින් එය අයථාර්ථවත් දැනීමකි. සෙංගමාලයෙන් (කාමලාරෝගයෙන්) පෙළෙන්නකුට පිත්දෝෂය කිපීමෙන් සුදු පැහැය කහ පැහැය වැනි ව වැටහෙයි. එය අයථාර්ථවත් දැනීමකි. එබැවින් අරමුණ නියත ලෙස හෙවත් ඇති සැටියෙන් පෙනෙන දැනුම යථාර්ථ යයි ද, අරමුණ නියත ලෙස හෙවත් ඇති සැටියෙන් නොපෙනෙන දැනුම අයථාර්ථ යයි ද ව්‍යවහාර වෙයි. මෙසේ වෙන් වෙන් වශයෙන් පවත්නා හෙයින් මේ දෙයාකාර දැනුමේ හෙවත් යථාර්ථානුභවයේ හා අයථාර්ථානුභවයේ ලක්ෂණ ද දෙයාකාරය.<br /> <br /> යථාර්ථානුභවය න්‍යාය මතය අනුව (1) ප්‍රත්‍යක්ෂ (2) අනුමිති (3) උපමිති (4) ශාබ්ද වශයෙන් සිව්වැදෑරුම් වෙයි. ඒ වනාහි ප්‍රත්‍යක්ෂය ඇතුළු සතර ප්‍රමාණයන්ගෙන් ලැබෙන ප්‍රමිති වේ. ප්‍රමා යයි ද ඊට කියනු ලැබේ. වෛශේෂික මතය අනුව ප්‍රත්‍යක්ෂය අනුමිති යයි ප්‍රමිති දෙකකි. උපමිති ශාබ්ද යන ප්‍රමිති දෙක මෙන් ම උපමාන ශබ්ද යන ප්‍රමාණ දෙක ද වෛශේෂිකයෝ අනුමිති, අනුමාන දෙක්හි ම ඇතුළු කරත් ([[ප්‍රමාණ]] බ.).<br /> <br /> අයථාර්ථානුභවය න්‍යාය වෛශේෂික උභය මතය ම අනුව තෙවැදෑරුම් වෙයි. (1) සංශය (2) විපර්‍ය්‍යය (3) තර්ක වශයෙනි. (අන්‍යථාඛ්‍යාතිය; සංශය; විපර්‍ය්‍යය; [[තර්ක]] බ.)<br /> අනුභවය න්‍යාය වෛශේෂික මත දෙක්හි ස්වල්ප වශයෙන් වෙනස් වෙයි. ([[බුද්ධිය]] බ.)<br /> <br /> කර්තෘ:[[ඇස්. අබේසිංහ]]<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe