http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B1%E0%B7%94%E0%B6%BB 2026-05-15T02:22:45Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B1%E0%B7%94%E0%B6%BB&diff=1847&oldid=prev 2023-06-11T12:19:27Z

<p>&#039;මෙය සත්විසි නැකත්වලින් සතළොස් වැන්නය. අනුර නැ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙය සත්විසි නැකත්වලින් සතළොස් වැන්නය. අනුර නැකත සර්පාකෘති තරු සතකින් යුක්ත යයි රාත්‍රිලග්නනිරූපණයෙහි ද එබඳු තරු සතරකින් යුක්ත යයි දීපිකාටීකාවෙහි ද නෙළුම් මලක සටහනක් ඇති කරන තරු තුනකින් යුක්ත යයි වෙනත් ග්‍රන්ථවල ද දැක්වේ. ඉන්ද්‍ර මණ්ඩලයට අයත් මේ නැකත අහසේ දකුණු මාර්ගය වූ මෘග වීථියට ද සම්බන්ධ වේ. මේ නැකත උදාවී ඝටිකා දහයක් ගත වූ තැන සතර ඝටිකාවක් විෂ සහිත බැවින් ඒ කාලය අශුභයයි සලකනු ලැබේ.<br /> <br /> ඒ ඒ දිනවල අනුර නැකත යෙදුණු කල ඇතිවන මර අවාදියෝග ගුණදෝෂ සංග්‍රහයෙහි ද මේ නැකතින් උත්පාතදර්ශන මල්වරවීම් ආදිය ඇති වූ කල්හි සිදුවිය හැකි ඵලාඵල ආදිය නක්ෂත්‍ර චූඩාමණි ආදි ග්‍රන්ථවල ද සඳහන් වේ.<br /> <br /> චිත්‍රකර්ම, රත්න පරීක්ෂා, නක්ෂත්‍ර, නීති, කාව්‍ය, නාටකාදි ශාස්ත්‍ර ඉගෙනීමට ද, ඇතුන් හා අසුන් පිට නැඟීම, විවාහ කර්ම, පුංසවන, නාමකරණ, අන්නප්‍රාශන, කර්ණවේධන, උපනයන, ඖෂධක්‍රියා, රාජ්‍යභිෂේක, ගෘහප්‍රෙව්ශාදියට ද මේ නැකත ශුභය. මෙහි උපන් ජන්මියාට ශනිගේ නක්ෂත්‍ර මහදශාව පළමුවෙන් ඇති වේ. නැකතේ පාද හතරට න-නි-නු-නෙ යන අකුරු පිළිවෙළින් හිමි වේ. නාමකරණයේ දී උත්පත්තිය සිදුවූ නැකත් පාදයට අනුව මේ අකුරක් මුලට යොදා නමක් තබනු ලැබේ.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe