http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B1%E0%B7%9D%E0%B6%B8 2026-05-15T01:33:55Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B1%E0%B7%9D%E0%B6%B8&diff=1896&oldid=prev 2023-06-20T04:09:49Z

<p>&#039;අනෝමදස්සි බුදුරජාණන්වහන්සේගේ දෙඅගසව්වන් අත...&#039; යොදමින් නව පිටුවක් තනන ලදි</p> <p><b>නව පිටුව</b></p><div>අනෝමදස්සි බුදුරජාණන්වහන්සේගේ දෙඅගසව්වන් අතුරෙන් දෙවැනි තෙරණුවෝය. මෙයින් ඒකාසංඛ්‍ය කල්ප ලක්ෂයකින් පෙර අනෝමදස්සී බුදුහු ලොවැ පහළ වූහ. එකල අප බුදුරදුන්ගේ අගසවු සැරියුත් තෙරණුවෝ සරද නම් තවුසක් වැ සූසැත්තෑදහසක් (74000) තවුස් අතැවැසියන් සමඟ හිමවත්හි විසූහ. අනෝමදස්සී බුදුහු සරද තවුසා වෙත යෑමෙන් සිදුවන මහත් ලෝකාර්ථය දැක එහි වැඩියහ. පසුව නිසඟ අනෝම යන දෙඅගසව්වෝ ද ලක්ෂයක් රහතුන් සමඟ එහි වැඩියහ. තවුස්හු බුදුපාමොක් රහතන්ට වැඩහිඳුනා සේ මල්අසුන් පැනැවූහ. එහි වැඩහුන් රහතුන් හා බුදුහු තවුසන්ගේ සත්කාර අතිශයින් ඵලදායි කරවනු සඳහා නිරෝධසමාපත්තියට සමවන්හ. සමවතින් නැඟීසිටි බුදුහු පුෂ්පාසනානුමෝදනාව කරන සේ දෙඅගසව්වනට නියම කළහ. යළි බුදුහු තවුසනට දහම් දෙසූහ. ඒ දෙසුම් කෙළවර අතැවැසි තවුස්හු රහත් වූහ. සරද තවුසාණෝ අගසව් නිසග තෙරුන්ගේ තනතුරු පැතූහ. ගිහිකලැ ඔහුගේ මිතුරු වූ සිරිවඩ්ඨ නම් කෙළෙඹියා යහළු තවුස්පාණන්ගේ මෙහෙයීමෙන් බුදුපාමොක් සගනට සතියක් මුළුල්ලෙහි මහදන් දී දෙවැනි සවු අනෝම තෙරුන්ගේ තනතුරු පැතී. අප බුදුන් සසුනෙහි දෙවැනි සවු වූ මහ මුගලන් මහරහතන්වහන්සේ මොහුය යනු ශාසනිකාචාර්‍ය්‍යවරයන්ගේ පිළිගැනීමයි.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe