http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B1%E0%B7%9D%E0%B6%B8%E0%B6%AF%E0%B7%83%E0%B7%8A%E0%B7%83%E0%B7%93-1 2026-05-15T01:35:42Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B1%E0%B7%9D%E0%B6%B8%E0%B6%AF%E0%B7%83%E0%B7%8A%E0%B7%83%E0%B7%93-1&diff=1897&oldid=prev 2023-06-20T04:10:35Z

<p>&#039;සූවිසි බුදුවරයන් අතුරෙන් සත් වන බුදුහුදුය. බෞ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>සූවිසි බුදුවරයන් අතුරෙන් සත් වන බුදුහුදුය. බෞද්ධ ග්‍රන්ථයන්හි සඳහන් පරිදි උන්වහන්සේ මනුෂ්‍යයන්ට ලක්ෂයක් හවුරුදු ආයු ඇති සමයෙහි චන්දවතී නම් රාජධානියෙහි යසව නම් රජහු නිසා යසෝධරා නම් අගමෙහෙසිය කුස පිළිසිඳ දසමස් ඇවෑමෙන් සුනන්ද නම් උයන්හි දී මවුකුසින් බිහි වූ සේක. ජාත දිනයෙහි අපමණ සත්රුවන් පහළ වූ හෙයින් ද සිත්කලු වූ අපමණ දැකුම් ඇති වූ හෙයින් ද උන්වහන්සේට අනෝමදස්සී යයි නම් විය. සිරි, උපසිරි, සිරවඩ්ඪ (වඩ්ඪ) යන තුන් පහයෙහි දස දහසක් අවුරුදු ගිහිගෙයි වැස සිරිමා නම් දේවිය කුසින් උපවාන නම් පුත්‍රයා උපන් කල්හි, සිවිකා යානාවෙන් මහබිනික්මන් කොට පැවිදිව දසමසක් ප්‍රධන් වීර්‍ය්‍ය වඩා අනුපම නම් සිටුදුව විසින් පුදන ලද කිරිබත වළඳා අනෝම නම් ආජීවකයා දුන් තණ අටමිට කුඹුක් බෝරුක මුල අතුරා ඊපිට වැඩ හිඳ බුද්ධත්වය ලැබූසේක. ඉක්බිති ඒ බෝමුල් සමීපයෙහි සත්සති ගෙවා බ්‍රහ්මාරාධනාවෙන් සුභවතී නම් නුවර සුදස්සන නම් උයන්හි දී දම්සක් පැවැත්වූ සේක. උන්වහන්සේට නිසභ, අනෝම (අසෝක) යයි අග්‍රශ්‍රාවක දෙනමක් ද වරුණ නම් උපස්ථායක නමක් ද සුන්දරී, සුමනා යයි අග්‍රශ්‍රාවිකා දෙනමක් ද වූහ. හවුරුදු ලක්ෂයක් ආයු වැළදූ උන්වහන්සේ ධම්මාරාම නම් විහාරයේ දී පිරිනිවන් පෑසේක. එකල අප මහබෝසතාණෝ බලසම්පන්න යක්ෂ සේනාධිපතියකුව සිට අනෝමදස්සි බුදුරදුන්ගෙන් විවරණ ලැබූහ.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe