http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B6%E0%B7%8A%E0%B6%AF%E0%B7%94%E0%B6%BD%E0%B7%8A%E0%B6%BD%E0%B7%8F%2C_%E0%B7%82%E0%B6%BA%E0%B7%92%E0%B6%9A%E0%B7%8A_%E0%B6%B8%E0%B7%94%E0%B7%84%E0%B6%B8%E0%B7%8A%E0%B6%B8%E0%B6%AF%E0%B7%8A 2026-05-14T21:16:52Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B6%E0%B7%8A%E0%B6%AF%E0%B7%94%E0%B6%BD%E0%B7%8A%E0%B6%BD%E0%B7%8F,_%E0%B7%82%E0%B6%BA%E0%B7%92%E0%B6%9A%E0%B7%8A_%E0%B6%B8%E0%B7%94%E0%B7%84%E0%B6%B8%E0%B7%8A%E0%B6%B8%E0%B6%AF%E0%B7%8A&diff=2090&oldid=prev 2023-06-30T09:36:57Z

<p>&#039;(1905) ජම්මු-කාශ්මීර ප්‍රාන්තයෙහි (1948-1953 කාලයේ) හිටප...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1905) ජම්මු-කාශ්මීර ප්‍රාන්තයෙහි (1948-1953 කාලයේ) හිටපු අගමැතිවරයා වූ මොහු උපන්නේ ශ්‍රීනගර් හිය. ලාහෝර්, කාශ්මීර් සහ අලිගාර් විශ්වවිද්‍යාලයන්හි අධ්‍යාපනය ලත් ඔහු 1930 දී පමණ මහජන කටයුතුවලට බසින්නට පෙර පාසල් ගුරුවරයෙකු වශයෙන් ක්‍රියා කෙළේය. ආණ්ඩුක්‍රම ප්‍රතිසංස්කරණයන් හා සාමාජික අයිතිවාසිකම් ඉල්ලා කළ උද්ඝෝෂණයන්හි දී වැදගත් තැනක් ඉසිලූ ඔහු කලක් රට වැසියාගේ ආදරය දිනාගත් ජන නායකයෙක් විය. පසු කලෙක ජාතික සම්මේලනයක ස්වරූපය ගත් කාශ්මීර මුස්ලිම් සම්මේලනයෙහි ආදිකර්තෘ ඔහුය. මේ සම්මේලනය මගින් නොයෙක් ඉල්ලීම් ඉදිරිපත් කරන ලදි. ව්‍යවස්ථානුකූලව ආණ්ඩු ක්‍රමයක් හා සිවිල් නිදහස ද උදෙසා කාශ්මීරයේ මහාරාජාට විරුද්ධව නැගී සිටීමට ජම්මු-කාශ්මීර රාජ්‍ය වැසියන් පෙලඹවීම නිසා 1946 දී ඔහුට සිර දඬුවම් විඳීමට ද සිදු විය. එහෙත් ඊට පසු අවුරුද්දේ ඔහු නිදහස් කරනු ලැබුවේය. අනතුරුව සමස්ත ඉන්දියානු රාජ්‍ය වාසීන්ගේ සම්මේලනයේ සභාපති ධුරය දැරුවේය. 1947 දී කාශ්මීර අතරවාර ආණ්ඩුවෙහි (Interim Government) නායකයා වූ ද ඔහු පාකිස්ථාන් ආක්‍රමණිකයන්ගෙන් කාශ්මීරය බේරාගැනීමෙහි ලා සමර්ථ විය. ඔහු 1948 දී එක්සත් ජාතීන්ගේ ආරක්ෂක මණ්ඩලය වෙත යවනු ලැබූ ඉන්දියානු නියෝජිත මණ්ඩලයේ සාමාජිකයෙක්ද විය. ජම්මු-කාශ්මීර රාජ්‍යයේ අගමැතිව සිටි ඔහු 1953 දී ජාතිවිරෝධී කටයුතුවල යෙදීම හේතු කොට බන්ධනාගාරගත කරන ලදි.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe