http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B6%E0%B7%94-%E0%B6%BD%E0%B7%8A-%E0%B6%85%E0%B6%BD%E0%B7%8F 2026-05-14T21:15:25Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B6%E0%B7%94-%E0%B6%BD%E0%B7%8A-%E0%B6%85%E0%B6%BD%E0%B7%8F&diff=2069&oldid=prev 2023-06-30T09:01:02Z

<p>&#039;(අහමද් ඉබ්න් අබ්ද් අල්ලා අල් මාඅරි ) 973-1057. අරාබි ජ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(අහමද් ඉබ්න් අබ්ද් අල්ලා අල් මාඅරි ) 973-1057. අරාබි ජාතික ශ්‍රේෂ්ඨ කවියෙකු වූ මෙතෙම නිදහස් චින්තකයෙක් ද උසස් සහිත්‍යධරයෙක් ද විය.<br /> <br /> තනූක් නම් වූ දකුණු අරාබි ගෝත්‍රයට අයත් අබු-ල්-අලා උපන්නේ සිරියාවේ මාඅර්රත්හිය. ළමා අවදියේ ම අන්ධ වූ අබු-ල්-අලා එකල සිටම කවි තනන්නට පටන් ගත්තේය.<br /> <br /> 1009 දී බැග්ඩෑඩ් නගරයට ගිය ඔහුට එනුවර සාහිත්‍ය සංවිධානවලට පහසුවෙන් ම ඇතුළු වන්නට පිළිවන් වූයේය. ඔහු එකී ශාස්ත්‍රශාලාවල සහ දේවස්ථානවල සිය රචනා කියැවීය. ඔහුගේ මුල් අවදියේ පද්‍ය රචනාවන්හි මුතානාබිගේ ආභාසය බෙහෙවින් දක්නට ලැබේ. එහෙත් පසුව කරන ලද නිබන්ධන හුදෙක් ඔහුගේ ම නිර්මාණයෝය. උත්කර්ෂවත් උත්පාදන ශක්තියෙන් පිරිපුන් අබු-ල්-අලා අරාබි සාහිත්‍ය පිළිබඳ ප්‍රතිසංස්කරණ කාර්යයන්හි පුරෝගාමියෙකු බවට පැමිණියේය.<br /> <br /> ඉඳුරා ම තවූස් වතක් පිරූ ඔහුගේ කවි ක්‍රමයෙන් එක ම මුහුණුවරක් ගන්නට වන. ඔහු විසින් සියලු ම ආගම් ඒකදේවවාදයක් කොට ගන්නා ලදි. ඔහු ස්වර්ගය පිළිබඳ සම්ප්‍රදායික සංකල්පය සරදමට ලක් කළේය. ජීවිතය පිළිබඳ ඔහුගේ දුක්මුසු හැඟීම් ඔහු විසින් ලියන ලද &quot;ලසූම් මාලාම් යල්සාම්&quot; නම් ග්‍රන්ථයෙහි මැනැවින් පිළිබිඹු වෙයි. මාංසභක්ෂණය ක්‍රෑරකම අඟවන්නක් බව සලකා අත්හළ හෙතෙම එය එය අපරාධයක් කොට තැකීය.<br /> <br /> අබු-ල්-අලාගේ කෘතීන් අතුරෙන් පද්‍ය සංග්‍රහ දෙකක් සහ ලිපි සංග්‍රහ දෙකක් ද ප්‍රධාන වෙයි. 1029 පමණ කාලය දක්වා ලියන ලද කවි &quot;සක්ත් උස් සාන්ද්&quot; යන නමින් මුද්‍රණයෙන් ප්‍රචාරයට පමුණුවා තිබේ. දෙවන සංග්‍රහය වන &quot;ලසූම් මාලාම් යල්සාම්&quot; නොහොත් &quot;ලසූම්ය්යාත්&quot; නම් කෘතිය දුෂ්කර එළිසමවලින් බැඳි නිර්මාණාත්මක ශක්තිය විදහා පාන පරිණත නිබන්ධයෙකි. අනිත්‍යය, සදාචාරය සහ මරණය ආදිය පිළිබඳ ඔහුගේ අශුභවාදී හැඟීම් මෙහි දක්නට ලැබේ. මෙය ද මුද්‍රණයෙන් ප්‍රකාශයට පමුණුවා තිබේ.<br /> <br /> අබු-ල්-අලාගේ කෘති ඉතාලි මහා කවිය වූ ඩාන්ටේ කෙරෙහි බෙහෙවින් බලපෑවේ යයි මෙකල සමහරු අදහස් කරති.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe