http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B6%E0%B7%94_%E0%B6%85%E0%B6%BD%E0%B7%8A_%E0%B6%85%E0%B6%AD%E0%B7%8F%E0%B7%84%E0%B7%92%E0%B6%BA%E0%B7%8F 2026-05-14T21:16:02Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B6%E0%B7%94_%E0%B6%85%E0%B6%BD%E0%B7%8A_%E0%B6%85%E0%B6%AD%E0%B7%8F%E0%B7%84%E0%B7%92%E0%B6%BA%E0%B7%8F&diff=2062&oldid=prev 2023-06-30T08:09:36Z

<p>&#039;(748-828) පොදු ජනයාගේ ව්‍යවහාර භාෂාව ශ්‍රේෂ්ඨ කවිය...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(748-828) පොදු ජනයාගේ ව්‍යවහාර භාෂාව ශ්‍රේෂ්ඨ කවියෙකු විසින් උත්කර්ෂවත් පරිදි නිබන්ධනයෙහි ලා උපයෝගී කර ගත හැකි බව පළමුවරට අරාබි සාහිත්‍යයෙහි පිළිබිඹු කෙළේ මේ කීර්තිධර අරාබි කිවියාය.<br /> <br /> මැඩීනව අසල හෙජාස්හි අයින් උත්-තමාරයේ (Ain Ut-Tamar) උපන් මොහු අනාසා නම් අරාබි ගෝත්‍රයට අයත් වූවෙකි. ඔහුගේ ජීවිතය ගතවූයේ කැෆාවේ සහ බැග්ඩෑඩ්හිය.<br /> බෙහෙවින් ම ආගමික විෂයයන් මාතෘකා කොට විරචිත මොහුගේ පද්‍ය නිබන්ධයෝ කෘත්‍රිමතාවෙන් තොරව අතිශයින්ම නෛසර්ගික ස්වරූපයක් ඉසිලූහ. කාන්තාර පරිසරයෙහි හැඩගැසුණු කවීන් අනුකරණය කිරීම ඒතාක් පැවති සිරිත වුව ද එම සම්ප්‍රදාය නගරයට නොගැළපුණු හෙයින් මොහු අමුතු මගක් ගත්තේය. අරාබියේ පැරණිත ම දාර්ශනික කවියෙකු වූ අබු අල් අතාහියා පැරණි ශෝක ගීත නිර්මාණයේ පුරෝගාමියෙක් විය.<br /> <br /> කඩවුණු ප්‍රේමබන්ධනයක් නිසා මොහු තවුස් වතට නැඹුරු වූ බව ජනකථාවකින් කියැවේ. ඇතැම් විට ඔහුගේ රචනාවල අශුභවාදී හැඟීම් දක්නට ලැබේ. එහෙත් ඔහුගේ රචනාවලින් බොහොමයක් පොදු ජීවිතය ද සුචරිතය ද නිරුපණය කිරීමට කැපවී තිබේ. ඔහු විචාරාත්මක අදහස් උදෙසා දර්ශනය උපයෝගී කර ගත් බව ද ඇතැමුන්ගේ පිළිගැනීමයි. ඒ කෙසේ වුවද කාව්‍ය මාධ්‍යයෙන් ආගමික මත ප්‍රකාශ කළ කවීන් අතර මොහු ගන්නේ උච්ච් ස්ථානයකි. අරාබි සාහිත්‍යයේ කීර්තියෙන් වැජැඹෙන අතටහියාගේ කවි දේවධර්මය පිළිබඳ ඉගැන්වීම්වලින් හා දෙවියන් පිළිබඳ පිරිපුන් හැඟීම්වලින් පරිපුෂ්ටය.<br /> මහ්දි සහ හරූන් අල් රෂීද් යන කාලිෆ්වරුන්ගේ අනුග්‍රය ලබමින් ජීවිතයේ අවසාන භාගය ගෙවූ අතාහියා මිය ගියේ බැග්ඩෑඩ් නුවර දී ය.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe