http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B6%E0%B7%94_%E0%B6%B1%E0%B7%96%E0%B7%80%E0%B7%8F%E0%B7%83%E0%B7%8A_%E0%B6%85%E0%B6%B6%E0%B7%94_%E0%B6%85%E0%B6%BD%E0%B7%92_%E0%B6%85%E0%B6%BD%E0%B7%8A_%E0%B7%84%E0%B7%83%E0%B6%B1%E0%B7%8A 2026-05-14T21:17:15Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B6%E0%B7%94_%E0%B6%B1%E0%B7%96%E0%B7%80%E0%B7%8F%E0%B7%83%E0%B7%8A_%E0%B6%85%E0%B6%B6%E0%B7%94_%E0%B6%85%E0%B6%BD%E0%B7%92_%E0%B6%85%E0%B6%BD%E0%B7%8A_%E0%B7%84%E0%B7%83%E0%B6%B1%E0%B7%8A&diff=2066&oldid=prev 2023-06-30T08:53:16Z

<p>&#039;(756 – 810) උසස් පෙළේ අරාබි කවියෙකු වූ මොහු උපන්නේ ක...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(756 – 810) උසස් පෙළේ අරාබි කවියෙකු වූ මොහු උපන්නේ ක්‍රි.ව.8 වන සියවසේ මැද හරියේ දී අල් අහ්වාෂ්හි දීය. ඔහුගේ පිය දමස්කස්හි උපන් සෙබළෙකි; මව පර්සියානු කාන්තාවකි. බස්රා නුවර දී සිය අධ්‍යාපනය ලැබූ හෙතෙමේ ස්වකීය භාෂාඥානයෙහි සැක තැන් දුරු කර ගැනීම සඳහා අවුරුද්දක් පමණ කල් ගතවන තුරු කාන්තාරවාසී අරාබි ජනයා ඇසුරු කෙළේය. හේ හරූන් අල් රෂිද් සහ අල් අමින් යන කාලිප්වරුන්ගේ ප්‍රසාදයට ලක් වී සිටියේය.<br /> <br /> එවකට සිටි ශ්‍රේෂ්ඨතම අරාබි කවිය වූ අබු නූවාස් ප්‍රතිභාපූර්ණ නෛසර්ගික කවිත්වයෙන් පාඨකයන් තෘප්ත කිරීමට සමත් විය. ඔහුගේ ශ්‍රේෂ්ඨ කෘති වශයෙන් සැලකෙන්නේ මිදි පානය සහ කාමුක ජීවිතය පිළිබඳ රචනා කරන ලද කවිය. ඔහු ලියා ඇති ප්‍රශස්ති, ශෝක ගීත, දඩයම්කවි, පෙම්කවි, උපහාසාත්මක සහ හාස්‍යජනක ප්‍රබන්ධ ආදිය විවිධ විෂයන් කෙරෙහි මෙහෙයැවුණු නිර්මාණ ශක්තියක් ඔහුට තිබුණු බව විදහා පායි. අබි නූවාස්ගේ ප්‍රබන්ධ සංග්‍රහ කොට කරන ලද එක් කෘතියෙක කවි 5,000ක් පමණ ඇත. ක්‍රි.ව.810 දී පමණ බැග්ඩෑඩ් නුවර දී ඔහුගේ මරණය සිදු වී යයි කියති.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe