http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B8%E0%B6%BB%E0%B7%8F%E0%B7%80%E0%B6%AD%E0%B7%92-1 2026-05-14T19:31:08Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B8%E0%B6%BB%E0%B7%8F%E0%B7%80%E0%B6%AD%E0%B7%92-1&diff=2177&oldid=prev 2023-07-05T05:18:20Z

<p>&#039;මෙය මහාමේරු පර්වතය මුදුනෙහි පිහිටා ඇතැ යි සැල...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙය මහාමේරු පර්වතය මුදුනෙහි පිහිටා ඇතැ යි සැලකෙන ඉන්ද්‍ර දෙවියන්ගේ රාජධානියයි. මේ රාජධානිය ගැන විස්තරයක් මහාභාරතයේ වනපර්වයෙහි එයි. ඒ අනුව අමරාවතිය තුන්වන දිව්‍යලෝකයෙහි පිහිටියේය. එහි මාළිගා සියයක් ඇත. නන්දන වනය පිහිටියේ ද මෙහි මය. මේ නගරය පෙනෙන්නේ සිල්වතුන්ට පමණකි.<br /> <br /> වෛදික දෙවියකු වූ ඉන්ද්‍ර තෙමේ වඩා විකාසිත ස්වරූපයකින් හින්දු පුරාණයන්හි ද වීර කාව්‍යයන්හිද දක්නට ලැබේ. බෞද්ධසාහිත්‍යයෙහි මොහු ශක්‍රයා වශයෙන් හැඳින්වේ. හින්දු සාහිත්‍යයෙහි සඳහන් ඉන්ද්‍රයාගේ රාජධානිය වූ අමරාවතියෙහි විස්තරය බෞද්ධ ග්‍රන්ථයන්හි එන ශක්‍රපුරයෙහි විස්තරයට බෙහෙවින් සමානය. පහත දැක්වෙන්නේ ශක්‍රපුරය ගැන බුත්සරණෙහි දැක්වෙන විස්තරයයි. &quot;සක්දෙව් රජහට නිවාස වූ තවුතිසා දෙව්ලොව මෙරගල මත්තෙහි දසදහසක් යොදුන් පමණ තැන පිහිටියේය. එහි නැගෙනහිර දොරටුව හා බස්නාහිර දොරටුව හා දෙ අතර දසදහසක් යොදුන් පමණයැ. දකුණුදිග දොරටුව හා උතුරු දිග දොරටුව හා දෙඅතර දසදහස් යොදුන් පමණයැ. ඒ සක්දෙව් රජහු වසන නුවර දොර දහසකින් යුක්තයැ. උයන් හා පොකුණෙන් හොබනේය. ඒ නුවරැ තුන්සියක් යොදුන් උස ඇති දදයෙන් හොබනා සත්සියක් යොදුන් උස ඇති විජයත් නම් මහපහය පිහිටියේය. නන්දා නම් පොකුණ පනස් ‍යොදුන් පමණ ඇත්තේයැ. චිත්‍රලතා නම් වනය සැට යොදුන් පමණ ඇත්තේයැ. ඒ වනාහි දිවරුක් දහස් ගණනින් හෙබියේයැ....පරසතුරුක වනාහි හාත්පසින් යොදුන් සියයක් පමණ ඇත්තේයැ. .......සුධර්මා නම් දෙව් සබය දිගින් ද පුළුලින් ද තුන්සියයක් යොදුන් පමණ ඇත්තේයැ. උසින් පන්සිය යොදුනක් පමණයැ.&quot;<br /> <br /> ශක්‍රපුරය ගැන මෙවැනි ම විස්තරයක් ගුත්තිල කවෙහි දැක්වේ.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe