http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B8%E0%B7%8A%E0%B6%B6%E0%B6%BD%E0%B6%A7%E0%B7%8A%E0%B6%A8%E0%B7%92%E0%B6%9A%E0%B7%8F-1 2026-05-14T18:27:29Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B8%E0%B7%8A%E0%B6%B6%E0%B6%BD%E0%B6%A7%E0%B7%8A%E0%B6%A8%E0%B7%92%E0%B6%9A%E0%B7%8F-1&diff=2245&oldid=prev 2023-07-06T09:45:22Z

<p>&#039;මෙය රජගහනුවර සිට නාලන්දාවට යන මහාමාර්ගය අසල ක...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙය රජගහනුවර සිට නාලන්දාවට යන මහාමාර්ගය අසල කලන්දක නිවාපයට නුදුරුව පිහිටා තුබූ රාජෝද්‍යානයක් බැව් මහාපරිනිබ්බාන සුත්‍රයෙන් පෙනේ. මෙයට තුරු සෙවණ සහ ජල පහසුව මනාව ලැබුණු බව ද, එහි දොරටුව අසල තුබූ අඹතුරක් නිසා &quot;අම්බලට්ඨිකා&quot; යන නම මේ උද්‍යානයට ලැබුණු බව ද බුදුගොස් හිමියෝ පවසති. උයනෙහි රාජකීය විශ්‍රාමශාලාවක් ද විය. රජතුමාට විනෝද සුව එළවීම පිණිස කරවා තුබූ මේ ශාලාව චිත්‍ර කර්මයන්ගෙන් සරසා තුබුණු බැව් ද කියැවේ. මේ උද්‍යානය කොටු පවුරකින් ද ආරක්ෂා කොට තුබුණි. බුදුරජාණන්වහන්සේ සහ සඟපිරිස ද චාරිකාවේ යෙදුණු අවස්ථාවල දී මෙහි ලැගුම් ගැනීමේ සිරිතක් විය. උන්වහන්සේ බ්‍රහ්මජාල සුත්‍රය දේශනා කොට වදාළේ ද මේ උද්‍යානයේ වැඩ හුන් අවස්ථාවක දී ය. අම්බටඨිකරාහුලෝවාද සූත්‍රය දේශනා කළේ ද මේ උයනේ දී බැව් සඳහන් වේ. එහෙත් බුදුගොස් හිමියන්ගේ මතයට අනුව මේ සූත්‍රය දේශනා කළේ අම්බලට්ඨිකා උයනේ දී නොව එනමින් ම හැඳින්වුණු වේළුවනාරාමය අසල වූ ප්‍රාසාදයක දීය.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe