http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B8%E0%B7%94%E0%B6%9A%E0%B7%8A%E0%B6%9A%E0%B6%BB%E0%B7%8F 2026-05-14T19:31:52Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B8%E0%B7%94%E0%B6%9A%E0%B7%8A%E0%B6%9A%E0%B6%BB%E0%B7%8F&diff=2208&oldid=prev 2023-07-05T06:31:48Z

<p>&#039;(විතානියා සොම්නිෆෙරා Withania sonimifera Dun) අමුක්කරා ශාකය...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(විතානියා සොම්නිෆෙරා Withania sonimifera Dun) අමුක්කරා ශාකය ශාඛා සහිත අඩි 1 සිට 5 දක්වා පමණ උසට වැඩෙන කුඩා සෘජු පඳුරකි (shrub). මේ ශාකයේ කොටස් සියල්ල ම පාහේ රෝමවලින් වැසී තිබේ. අඟල සතරක් පමණ දික් විය හැකි අණ්ඩාකාර (ovate) කොළ ඉතා තිත්තය. ද්විලිංගික මල් කොළපාට හෝ කහපාට හෝ විය හැකිය. එක් එක් ඡත්‍රිය බහු-අක්ෂයක (Umbellate cyme) සාමාන්‍යයෙන් මල් පහක් පමණ එකට රාශීභූතව සිටී. ඵලය රතු ගෝලාකාර සිනිඳු බදරියකි. (berry) ඇට කහපාටය. ඇටේ පිට පොත්ත ගැළවෙන සුලු තුනි කොරපොතු සහිතය.<br /> <br /> ඉන්දියාවේ හා පකිස්ථානයේ වියළි ප්‍රදේශවල මේ ශාකය බහුලය. ලංකාවේත් මධ්‍යධරණි ප්‍රදේශවලත් මෙය වැඩේ.<br /> <br /> අමුක්කරා මුලේ සොම්නිෆරීන් නමැති [[ඇල්කලොයිඩය]] (බ.) තිබේ. මේ ශාකය සොලනාසේ කුලයට අයත්ය. <br /> <br /> '''ආයුර්වේදය මතය:''' අමුක්කරා මුල දේශීය වෛද්‍ය ශාස්ත්‍රයට අයත් ගෙඩි වෙදකමට ද ගනු ලබන ප්‍රශස්ත ඖෂධයකි. රසායන, චූර්ණ, සෘත, අරිෂ්ට, තෛල ආදියට අමුක්කරා ගනු ලැබේ. අමුක්කරා මුල අමු අවස්ථාවෙහි අශ්වමුත්‍ර ගඳ ඇත්තේය. අමුක්කරා අශ්වගන්ධ යයි නම් කොට ඇත්තේ ඒ නිසාය.<br /> <br /> '''ගුණ සහ ආමයික ප්‍රයෝග:''' අමුක්කරා වාතය, සෙම, ධාතුක්ෂය, කාෂ, ශ්වාස, ශෝථ හා ක්ෂයරෝගය නසයි. බල වඩයි. ආයුර්වේදයෙහි ප්‍රබල වූ වාජිකරණ සහ රසායන ඖෂධයකි. යුනානි වෛද්‍ය ශාස්ත්‍රයට අයත් ද්‍රව්‍යගුණ විඥානයෙහි ද විස්තර කොට ඇත්තේ ආයුර්වේදය මතය ම වේ. යුනානි වෛද්‍ය ශාස්ත්‍රයෙහි අමුක්කරාවල දැක්වෙන විශේෂ ගුණ නම් කාමෝද්දීපනය හා කටීගත වාත වේදනා නැසීමත්ය.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe