http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B8%E0%B7%9D%E0%B6%9D%E0%B7%83%E0%B7%92%E0%B6%AF%E0%B7%8A%E0%B6%B0
අමෝඝසිද්ධ - සංශෝධන ඉතිහාසය
2026-05-14T18:25:49Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%85%E0%B6%B8%E0%B7%9D%E0%B6%9D%E0%B7%83%E0%B7%92%E0%B6%AF%E0%B7%8A%E0%B6%B0&diff=2233&oldid=prev
Senasinghe: 'ධ්යානි බුදුරුවන් අතුරෙන් පස්වැනි බුදුහුය. අ...' යොදමින් නව පිටුවක් තනන ලදි
2023-07-06T09:11:32Z
<p>'ධ්යානි බුදුරුවන් අතුරෙන් පස්වැනි බුදුහුය. අ...' යොදමින් නව පිටුවක් තනන ලදි</p>
<p><b>නව පිටුව</b></p><div>ධ්යානි බුදුරුවන් අතුරෙන් පස්වැනි බුදුහුය. අපරාජිත බලප්රතාපයෙන් යුක්ත මුන් වහන්සේට නොවරදින ශ්රේෂ්ඨ මන්ත්ර බලයක් ඇතැයි විශ්වාස කරනු ලැබේ. උන්වහන්සේ උතුරු දිශාවට අධිපතියහ. ඇතැම් විට උන්වහන්සේ අමිතාභ බුදුන්ගේ මූර්තියක් ලෙස ද සලකනු ලැබෙත්.<br />
<br />
ධ්යානි බුදුරුවන්ට ආවේණික පර්ය්යඞ්කාසනයෙන් වැඩ සිටින මුන්වහන්සේගේ වමත ධ්යානි මුද්රවෙහි ද, දකුණත අභය මුද්රවෙහි ද පිහිටා ඇත. ඇතැම් විට දකුණතෙහි වජ්රයක් හෝ කඩුවක් හෝ දක්නා ලැබේ.<br />
අමෝඝසිද්ධ බුදුන්ගේ ප්රතිබිම්බය වශයෙන් පහළ වුණු බෝධිසත්වවරයා විශ්වපාණිය. මතු පහළ වන්නාවූ මානුෂික බුදුහු මෛත්රෙය සර්වඥයන්වහන්සේ වෙති. උන්වහන්සේගේ වාහනය ගරුඩයෝ දෙදෙනෙකි. පැහැය කොළ පැහැයය; කුලය කර්ම කුලයය; සංකේතය විශ්වවජ්රයෙකි; කුල සංකේතය කඩුවකි. උන්වහන්සේ නිරූපණය කරන මූල ධාතුව ජලයය, නොහොත් පඨවීය; ඉන්ද්රිය ගන්ධයය. උන්වහන්සේගේ ස්ත්රී ශක්තිය ආර්ය්ය තාරා දෙවඟනයි. ඇතැම් අමෝඝසිද්ධ ප්රතිරූපවල නේත්රත්රයක් දැක්වෙයි. <br />
<br />
අමෝඝසිද්ධ බුදුන් නිරූපණය කොට ඇත්තේ පිටුපස නාගයකු පෙණය විහිදුවමින් සෙවණ දෙන අයුරිනි. එතුමන්ගේ විහාරය ඉදිරිපස සතරැස් වළක් සාදනුයේ නාගයා වසන පොකුණ නිරූපණය කිරීම සඳහාය.<br />
<br />
මෙම ධ්යානි බුදුන් වෙතින් කුරුකුල්ලා, මහා මයූරී වැනි දෙවඟනන් පහළ වූ බව කියැවේ.<br />
<br />
භක්ති මාර්ගය වර්ධනය වෙමින් පැවැතුණු ක්රි.ව.8 වැනි සියවස පමණේ දී අමෝඝසිද්ධ වන්දනාව ආරම්භ විය.<br />
<br />
(සංස්කරණය:1963)<br />
[[ප්රවර්ගය:අ]]</div>
Senasinghe