http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%B9%E0%B6%9C%E0%B7%84%E0%B6%B4%E0%B7%92%E0%B6%A7%E0%B7%92%E0%B6%BA%E0%B7%9A_%E0%B7%80%E0%B7%92%E0%B6%B8%E0%B6%BD%E0%B7%83%E0%B7%8F%E0%B6%BB%E0%B6%AD%E0%B7%92%E0%B7%83%E0%B7%8A%E0%B7%83 2026-05-14T17:20:06Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%B9%E0%B6%9C%E0%B7%84%E0%B6%B4%E0%B7%92%E0%B6%A7%E0%B7%92%E0%B6%BA%E0%B7%9A_%E0%B7%80%E0%B7%92%E0%B6%B8%E0%B6%BD%E0%B7%83%E0%B7%8F%E0%B6%BB%E0%B6%AD%E0%B7%92%E0%B7%83%E0%B7%8A%E0%B7%83&diff=2279&oldid=prev 2023-07-07T03:53:13Z

<p>&#039;(1825–1890) ලක්දිව අමරපුර නිකායේ ආදි කර්තෘ වූ ඤාණවිම...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1825–1890) ලක්දිව අමරපුර නිකායේ ආදි කර්තෘ වූ ඤාණවිමලතිස්ස නාහිමියන්ට ගිහි පැවිදි දෙලෙසින් ම මුනුබුරකු වූ මෙතුමා ‍ක්‍රි.ව.1825 දී වැලිතර පෙදෙසට අයත් මහකරාව නම් ගමෙහි උපන. එගම වාසය කළ මහබද්දේ කන්කානම් ධුරය දැරූ අව්වාහන්දි ලක්නයිදේ නමැති මහතා මෙතුමාගේ පියා විය. බාලවියෙහි සිට ම ඉගෙනීමෙහි ඇලුම් ඇති ව ඉතා දක්ෂ ව සිටි මොහු කහවේ සිරි සද්ධම්මජෝතිපාල ඤාණානන්ද මහතෙරණුවන් විසින් මවුපියන්ගේ ද කැමැත්ත පරිදි සුදුසු වියෙහි පැවිදි කරන ලදි. මඳ කලකින් සාමණේරව සිටිය දී ම ධර්ම විනය ශබ්ද ශාස්ත්‍රාදියෙහි ව්‍යක්ත වූ ප්‍රකට වූ උන්වහන්සේ &quot;ධම්මාධාරතිස්ස&quot; නායක තෙරණුවන් උපාධ්‍යාය කොට බලපිටිමෝදර උදකුක්ඛේපසීමායෙහි උපසපන් කරනු ලැබූහ. විනයෙහි ප්‍රවීණ වූ මුන්වහන්සේ පාළි පඬිවරයකු වශයෙන් මහත් කීර්තියක් ලත් යතීන්ද්‍රයෙකි.<br /> <br /> ස්වකීය ආචාර්‍ය්‍යවරයන‍්ගේ අභාවයෙන් පසු බු.ව.2410 (ක්‍රි.ව.1867) දී එම නිකායේ පාලක නායක පදවියට ද පත් වූ විමලසාරතිස්ස තෙරණුවෝ ස්වකීය විහාරස්ථානය වූ අම්බරුක්ඛාරාමයෙහි විද්‍යස්ථානයක් ආරම්භ කොට බොහෝ ගිහි පැවිදි ශිෂ්‍යයනට ධර්මශාස්ත්‍රය ඉගැන්වූහ. රන්දොඹේ මහාචේතිය පිරිවෙන ආරම්භ කළ තොටගමුවේ පඤ්ඤාමෝලිතිස්ස මහානායක තෙරණුවෝ ද උන්වහන්සේගේ ශිෂ්‍යයන් අතුරෙහි කෙනෙකි. උන්වහන්සේගේ පාණ්ඩිත්‍යය ප්‍රකාශ වනුයේ පසු කලෙක රචනා කළ ගාථා 1,671 කින් යුත් &quot;සාසනවංස දීප&quot; නම් වූ අගනා ග්‍රන්ථයෙනි. එය දේශාන්තරයෙහි පවා උගතුන්ගේ ප්‍රශංසාවට භාජන වූවකි. එකල සීමාසංකරවාදය ඇති වූයෙන් එය නිරාකරණය කරනු සඳහා &quot;සීමාලක්ඛණදීපනී&quot; නම් විශාල ග්‍රන්ථයක් ද මුන්වහන්සේ විසින් රචනා කරන ලද්දේ ය. මේ තෙරණුවෝ අවුරුදු 65ක් ආයු වළඳා ක්‍රි.ව.1890 වැන්නෙහි දී අපවත් වූහ.<br /> <br /> (සංස්කරණය:1963)<br /> [[ප්‍රවර්ගය:අ]]</div>

Senasinghe