http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%BD%E0%B7%8A%E0%B6%B8%E0%B7%8F_%E0%B6%85%E0%B6%A7%E0%B7%8F 2026-05-17T22:31:47Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%BD%E0%B7%8A%E0%B6%B8%E0%B7%8F_%E0%B6%85%E0%B6%A7%E0%B7%8F&diff=6051&oldid=prev 2024-07-18T05:00:05Z

<p>&#039;සෝවියට් රුසියාවේ කසාක් ප්‍රදේශයෙහි අගනුවරයි....&#039; යොදමින් නව පිටුවක් තනන ලදි</p> <p><b>නව පිටුව</b></p><div>සෝවියට් රුසියාවේ කසාක් ප්‍රදේශයෙහි අගනුවරයි. මුල දී මෙය වියර්නි යන නමින් හැඳින්විණ. පසුව නගරය සමීපයෙහි ඇති තියෙන්-ෂාන් කඳුවැටියෙහි අල්මා අටා ශිඛරය ආශ්‍රයෙන් වර්තමාන නම ව්‍යවහාරයට ආයේය. පලතුරු ටින්වල ඇහිරීම, රෙදි විවීම, සම් පදම්කිරීම සහ දුම්කොළ කර්මාන්තය මෙහි ප්‍රධාන ආර්ථික ව්‍යාපාර වේ. අල්මා අටා නුවර 1855 දී රුසියානුන් විසින් ආරක්ෂක නගරයක් වශයෙන් ඉදිකරන ලද්දකි. තුර්කිස්ථාන-සයිබීරියා දුම්රිය මාර්ගය තැනීමෙන් පසු නගරයේ වැදගත්කම වැඩි විය. කසාක් විශ්වවිද්‍යාලය ද චිත්‍රපටි නිෂ්පාදනාගාර සහ රසායනාගාර කීපයක් ද මේ නගරයෙහි වෙයි. සාමාන්‍ය ජනගහනය (1950 දී) 290,000කි.<br /> <br /> අල්මා අටා නගරය පිහිටි දිස්ත්‍රික්කය ද එනමින් ම හැඳින්වේ. එය බාල්කාෂ් විලේ සිට ගිනිකොන දෙසට වින දේශ සීමාව දක්වා විහිදේ. වර්ග සැතැප්ම 79,459ක් විශාල වූ මේ ප්‍රදේශය සාමාන්‍යයෙන් වියළි වුවත් තියෙන්-ෂාන් කඳු වැටියෙන් පහළ ස්ටෙප් ප්‍රදේශයට ගලා බසින කුඩා ගංගාවල ආධාරයෙන් එහි ගොවිතැන් ආදිය කරනු ලැබේ. මෙහි වවනු ලබන දෑ අතර දුම්කොළ, කපු සහ බීට් ද මිදි සහ ඇපල් ආදි පලතුරු ද වැදගත්ය. ජනගහනය 1954 දී හය ලක්ෂයක් පමණ විය.<br /> <br /> (සංස්කරණය: 1965)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: අ]]</div>

Senasinghe