http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%BD%E0%B7%8A%E0%B6%BD%E0%B7%9A 2026-05-16T04:42:10Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%BD%E0%B7%8A%E0%B6%BD%E0%B7%9A&diff=6067&oldid=prev 2024-07-19T04:37:50Z

<p>&#039;කොට්ටියාර් වරායට දකුණින් පිහිටි කොට්ටියාර් ප...&#039; යොදමින් නව පිටුවක් තනන ලදි</p> <p><b>නව පිටුව</b></p><div>කොට්ටියාර් වරායට දකුණින් පිහිටි කොට්ටියාර් පත්තුවෙහි මධ්‍ය ප්‍රදේශයයි. මෙහි ඇති අක්කර 1,854ක් විශාල වූ අල්ලේ වැවේ නැගෙනහිර ඉවුරෙහි කාවන්තිස්ස රජු බුදුන්ගේ ලලාට ධාතුව සහ කේසධාතු ද නිදන් කොට තනා ඇතැයි සැලකෙන සේරුවාවිල ([[සේරුවිල]] බ.) දාගැබ වෙයි. ඉපැරණි වැවක් වූ අල්ලේ වැව කවරකු විසින් කවර කලක කරන ලද්දේ දැයි අවිනිශ්චිතය. වැව ආශ්‍රිත ප්‍රදේශයෙහි පැරණි ජල සම්පාදන ක්‍රමයක සලකුණු දක්නට ඇතත් මෙතෙක් ඒවා සම්පූර්ණ පරීක්ෂණයකට භාජන වී නොමැතියි. මහවැලි ගඟේ අපශාඛාවක් වන වේරුගල් (ආරු) ගඟේ ජලය ඊට වයඹ දිගින් පිහිටි පෙරිවේලිකුලමට ද ගෙන යනු ලැබේ. දහනවවැනි ශත වර්ෂයේ දී ප්‍රතිසංස්කරණය කිරීමට ආරම්භ කරන ලද අල්ලේ වැව ආශ්‍රිත ප්‍රදේශය වියළි කලාපයේ වර්තමාන සංවර්ධන ක්‍රමයට අයත්ය. වගා කළ හැකි ඉඩම් අක්කර 18,525කට අල්ලේ ජල සම්පාදන ක්‍රමය යටතේ ජලය සැපයීම රජයේ බලාපොරොත්තුවයි. අල්ලේ පෙදෙස උක් වැවීමට ඉතා යෝග්‍ය බව කෘෂිකර්ම රසායන විද්‍යාඥයන්ගේ මතයයි. එහි ගොවිජනපදයක් ද වෙයි. <br /> <br /> (සංස්කරණය: 1965)<br /> <br /> [[ප්‍රවර්ගය: භූගෝල විද්‍යාව - ලංකාව]] <br /> <br /> [[ප්‍රවර්ගය: අ]]</div>

Senasinghe