http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B6%BD%E0%B7%8A%E0%B7%80%E0%B7%8F%E0%B6%BB%E0%B7%8A 2026-05-16T16:28:26Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B6%BD%E0%B7%8A%E0%B7%80%E0%B7%8F%E0%B6%BB%E0%B7%8A&diff=6071&oldid=prev 2024-07-19T05:07:50Z

<p>&#039;රාජ්පුත් පාලකයකු වූ ප්‍රතාප් සිං විසින් 18 වැන...&#039; යොදමින් නව පිටුවක් තනන ලදි</p> <p><b>නව පිටුව</b></p><div>රාජ්පුත් පාලකයකු වූ ප්‍රතාප් සිං විසින් 18 වැනි ශතවර්ෂයේ දී ඉදිකරන ලද මේ නගරය වයඹ දිග ඉන්දියාවේ, නවදිල්ලියට හැතැපුම් 90ක් පමණ ඈතින් පිහිටා තිබේ. මේ නමින් ම ජනපදයක් ද මුල දී තිබුණ නමුත් 1948 දී එය රාජස්ථානය හා ඒකාබද්ධ කරන ලදි. අල්වාර් නමින් හැඳින්වෙන ප්‍රදේශය වර්ග සැතපුම් 3,158ක් විශාලය. මෝසම් සුළං ආශ්‍රිත දේශගුණයක් ඇති කඳුකර පෙදෙසක් වූ මෙහි සාමාන්‍ය වාර්ෂික වර්ෂාපතනය 20”—40” පමණ වේ. ග්‍රීෂ්ම ඍතුවේ දී සාමාන්‍ය වාර්ෂික උෂ්ණත්වය පැ. 80ºක් පමණ වන නමුත් ශීත සෘතුවේ දී සාමාන්‍ය උෂ්ණත්වය පැ. 50°—60°ක් පමණ වේ. දේශගුණයෙහි යෝග්‍යතාව නිසාත් පසේ සාරවත්කම නිසාත් අල්වාර් ප්‍රදේශයෙහි කෘෂිකර්මාන්තය ඉතා දියුණුය. මෙහි තිරිඟු සහ මිලට් බහුල ලෙස වගා කරනු ලැබේ. නගරයෙහි ප්‍රසිද්ධ බලකොටුවක් ද කෞතුක වස්තුවක් වශයෙන් ප්‍රසිද්ධ මාළිගයක් ද පුස්තකාලයක් ද ඇත. 1803 දී ඇති වූ මරාඨ යුද්ධයේ දී අල්වාර් දේශය බ්‍රිතාන්‍යයට පක්ෂව සටන් කළේය. අල්වාර් ප්‍රදේශයෙහි ජනගහනය 1951 දී 862,000ක් පමණ වූ අතර අල්වාර් නගරයේ ජනගහනය 58,000ක් පමණ විය.<br /> <br /> (සංස්කරණය: 1965)<br /> <br /> [[ප්‍රවර්ගය: භූගෝල විද්‍යාව - ඉන්දියාව]] <br /> <br /> [[ප්‍රවර්ගය: අ]]</div>

Senasinghe