http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B7%80%E0%B7%94%E0%B6%9C%E0%B7%8A%E0%B7%83%E0%B7%8A%E0%B6%B6%27%E0%B6%9C%E0%B7%8A 2026-05-18T19:45:05Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B7%80%E0%B7%94%E0%B6%9C%E0%B7%8A%E0%B7%83%E0%B7%8A%E0%B6%B6%27%E0%B6%9C%E0%B7%8A&diff=4942&oldid=prev 2024-02-29T08:06:44Z

<p>&#039;(Augsburg). දකුණු ජර්මනියේ බැවේරියාවෙහි වර්ටක් සහ ලෙ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Augsburg). දකුණු ජර්මනියේ බැවේරියාවෙහි වර්ටක් සහ ලෙක් ගංගා හමු වන තැන පිහිටි නගරයකි. එය ස්වෝබියා දිස්ත්‍රික්කයෙහි ප්‍රධාන නගරයයි. ක්‍රි.පූ. 14 දී ඔගස්ටස් රජු විසින් රෝමවරුන්ගේ ජනපදයක් මේ අසල පිහිටවනු ලැබී යයි සලකනු ලැබේ. එතැන් පටන් දහසය වැනි ශතවර්ෂය දක්වා ම අවුග්ස්බ'ග් නගරය නොයෙක් දේශපාලන සිද්ධි නිසා වැදගත් තැනක් ඉසිලීය. මාටින් ලූතර් තුමන් අනුව ගිය ක්‍රිස්තියානි සභාවේ අවුග්ස්බ'ග් ඇදහිලි මාලාව නමැති ඉතා වැදගත් ප්‍රකාශනය 5 වැනි චාල්ස් අධිරාජයාට ඔප්පු කරන ලද්දේ (1530) මේ නගරයේදීය. 15 වැනි සහ 16 වැනි ශතවර්ෂවල දී විශේෂයෙන් උතුරු යුරෝපය සහ ඉතාලිය අතර වූ වෙළෙඳාම පිළිබඳ මධ්‍යස්ථානයක් වූ මේ නගරය වස්කෝ ද ගාමාගේ සහ කොලොම්බස්ගේ සොයාගැනීම්වලින් පසුව වැදගත්කමින් පිරිහිණි. ජර්මනිය සහ ස්විට්සර්ලන්තය අතර දුම්රිය ගමනාගමන දියුණුව ද මේ පිරිහීමට තවත් හේතු වී යැයි කිවහැකියි. 19 වැනි සහ 20 වැනි ශතවර්ෂවල දී කාර්මික මධ්‍යස්ථානයක් වශයෙන් වර්ධනය වූ අවුග්ස්බ'ග් නගරයෙහි ලොම් කර්මාන්තය, කපු කැටීම සහ රෙදි විවීම ඉතා දියුණු වී ඇත. ඩීසල් යන්ත්‍ර සහ විශාල ගුවන්යානා නිෂ්පාදන මධ්‍යස්ථානයක් වශයෙන් දියුණු වූ නිසා දෙවැනි ලෝක සංග්‍රාම සමයේ දී අවුග්ස්බ'ග් නගරය දරුණු ගුවන් ප්‍රහාරවලට ලක් වූයෙන් නගරයේ ඓතිහාසික ගොඩනැඟිලි බොහොමයක් විනාශ විය. නගරයේ වර්තමාන නිෂ්පාදන ද්‍රව්‍ය අතර කෘෂිකාර්මික සහ වෙනත් යන්ත්‍රෝපකරණ, රසායන ද්‍රව්‍ය සහ කඩදාසි ආදිය ප්‍රධාන තැනක් ගනී. දුම්රිය මධ්‍යස්ථානයක් ද වන මෙහි ජනගහනය (1953) 196,600කි.<br /> <br /> (සංස්කරණය: 1965)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: අ]]</div>

Senasinghe