http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B7%81%E0%B7%96%E0%B6%BB%E0%B7%8A 2026-05-18T06:32:36Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B7%81%E0%B7%96%E0%B6%BB%E0%B7%8A&diff=5600&oldid=prev 2024-06-11T09:49:31Z

<p>&#039;පුරාතන ඇසිරියාවේ අගනුවරය. බැග්ඩෑඩ් නුවරට සැත...&#039; යොදමින් නව පිටුවක් තනන ලදි</p> <p><b>නව පිටුව</b></p><div>පුරාතන ඇසිරියාවේ අගනුවරය. බැග්ඩෑඩ් නුවරට සැතැපුම් 160 පමණ වයඹ දිගින් ටයිග්‍රිස් නදියේ බටහිර ඉවුරෙහි පහත් කඳු පෙදෙසක පිහිටි මෙහි අද දක්නට ඇත්තේ පැරණි නගරයේ නෂ්ටාවශේෂ පමණකි. අශූර් නම් සුමේරියානු දේවතාවා නිසා නගරයට ඒ නම ලැබුණේ යයි සලකනු ලැබේ.<br /> <br /> පුරාවිද්‍යාව අතින් වැදගත් ස්ථානයක් ලෙස අද සැලැකෙන මෙය කැණීමෙහි දී දේවමන්දිර, මාළිගා හා නිවාස රාශියක් පාදා ගැනිණ. මේවා අතර අලංකාර පාර්තියානු මාළිගයක් ද විය.<br /> <br /> නෂ්ටාවශේෂ අතර වූ ඉෂ්ටාර් නමැති දේව මන්දිරය නිසා අශූර් රාජධානියේ පැවැති පැරණිතම සුමේරියානු සංස්කෘතිය පිළිබඳ කරුණු රාශියක් හෙළිදරවු විය. ක්‍රිස්තු වර්ෂයෙන් අවුරුදු 3,500කට පෙර සුමේරියන්වරුන් මෙහි විසූ බව පුරාවස්තුවලින් පෙනේ. අනතුරුව සෙමිටික්, බැබිලෝනියානු හා පාර්තියානු ජාතිකයන්ගේ ආධිපත්‍යයට යටත් වූ අශූර් රාජධානිය දේශපාලන වැදගත්කමින් ඉතා උසස් ස්ථානයකට පැමිණියේ පළමු වන බැබිලෝනියානු රාජවංශය පැවති සමයේ (ක්‍රි.පූ. 2169–1870)ය.<br /> <br /> (සංස්කරණය: 1965)<br /> <br /> [[ප්‍රවර්ගය: ලෝක පුරාවිද්‍යාව]] <br /> <br /> [[ප්‍රවර්ගය: පුරාතන ඉතිහාසය]] <br /> <br /> [[ප්‍රවර්ගය: අ]]</div>

Senasinghe