http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B7%83%E0%B7%93%E0%B6%BB%E0%B7%8A 2026-05-17T14:16:00Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B7%83%E0%B7%93%E0%B6%BB%E0%B7%8A&diff=6430&oldid=prev 2024-10-22T07:13:57Z

<p>&#039;මෙය සවුදි අරාබියේ දිස්ත්‍රික්කයකි. හෙජාස්, යේ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙය සවුදි අරාබියේ දිස්ත්‍රික්කයකි. හෙජාස්, යේමන් සහ නෙජ් යන පළාත්වලින් හා රතු මුහුදින් වට වී ඇති මෙම ප්‍රදේශය වර්ග සැතපුම් 40,000ක් පමණ විශාලය. අරාබි සානුවෙහි කොටසක් වූ මෙහි සැතපුම් 40ක් පමණ පුළුල් වූ මුහුදු බඩ තැනිතලාව හැර සෙසු පෙදෙස අඩි 3,600 සිට 9,000 දක්වා උස් වූ හෙල්බිමකි. අඟල් 12ක පමණ වාර්ෂික වර්ෂාපතනයක් ලබන මෙම හෙල්බිමෙහි කෝපි, ධාන්‍ය වර්ග සහ පලතුරු වවා ඇත. රටඉඳි සහ මැලියම් ද මෙහි රැස් කරනු ලැබේ. අසීර්හි නජ්රාන් නම් වූ ගිනිකොණ දිග කොටසෙහි කෘෂිකාර්මික කටයුතු ඉතා දියුණුය. ගවයන් හා ඇංගෝරා එළුවන් ඇති කිරීම ද මැටි බඳුන් සෑදීම හා කූඩා විවීම ද මෙහි අනෙක් ආදායම් මාර්ගයෝයි.<br /> <br /> මේ ප්‍රදේශයේ අගනුවර වාඩි අබ්හා නම් ක්ෂේම භූමියෙහි පිහිටි අබ්හා නගරයයි. අසීර්හි ප්‍රධාන වරාය ජිෂාන්ය. 1926 දී සවුදි අරාබියට පැවරුණ මෙම ප්‍රදේශය 1932 දී නීත්‍යනුකූලව එරටට ඈඳන ලදි. 1934 දී යේමන් ප්‍රදේශය වෙනුවෙන් සටන් කළ ඉතාලීන්ගෙන් අසීර් ආරක්ෂා කර ගන්නා ලද්දේ සවුදි අරාබිය වෙනුවෙන් සටන් කළ බ්‍රිතාන්‍යයන් විසිනි. අසීර්හි ජනගහනය (1952) දශලක්ෂයක් පමණ වේ.<br /> <br /> (සංස්කරණය: 1965)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: අ]]</div>

Senasinghe