http://encyclopedia.gov.lk/si_encyclopedia/index.php?action=history&feed=atom&title=%E0%B6%85%E0%B7%85%E0%B7%80%E0%B7%8A_%E0%B6%B1%E0%B7%94%E0%B7%80%E0%B6%BB 2026-05-18T05:41:06Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%85%E0%B7%85%E0%B7%80%E0%B7%8A_%E0%B6%B1%E0%B7%94%E0%B7%80%E0%B6%BB&diff=5631&oldid=prev 2024-06-12T19:23:44Z

<p>&#039;මෙය ඉන්දියාවේ සැවැත්නුවරට යොදුන් තිහක් දුරින...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙය ඉන්දියාවේ සැවැත්නුවරට යොදුන් තිහක් දුරින් පිහිටි නගරයකි. බුදුරජාණන් වහන්සේ සොළොස්වන වස් සමය ගත කෙළේ ද අළව්යකු දමනය කෙළේ ද මෙහි දී ය.<br /> <br /> පුරාවිද්‍යාඥයකු වූ ඇල්.ඒ. වොඩ්ල් මහතා විසින් උතුරු බිහාර් පළාතේ මොන්ගිර් දිස්ත්‍රික්කයේ පිහිටි උරෙන් පර්වතය හා ඒ අවට ප්‍රදේශය අළව් නුවර හැටියට ක්‍රි.ව. 1892 දී හඳුන්වා දෙන ලදි. හියුං සාංගේ ගමන් විස්තරයට අනුව බුදුරජාණන්වහන්සේ වකුල යක්ෂයා දමනය කළ ස්ථානය අවට ප්‍රදේශය අළව් නුවර විය යුතු යයි ඒ මහතා නිගමනය කරයි.<br /> <br /> බෞද්ධ ග්‍රන්ථවල දැක්වෙන හැටියට සැවැත් නුවර ජේතවනාරාමයේ සිට අළව් නුවරට දුර යොදුන් තිහකි. සැවැත් නුවර සිට උරෙන් පර්වතයට ඇති දුර ද මීට සමානය. අළව් නුවර ගංගා නදියට නුදුරුව පිහිටි බව සිංහල සහ බුරුම බෞද්ධ ග්‍රන්ථවල සඳහන් වේ. වොඩ්ල් මහතා අළව් නුවර වශයෙන් හඳුන්වන උරෙන් පර්වතය පිහිටියේ ද ගගා නදියට නුදුරුවය. පර්වතය සමීපයෙහි පිහිටි 'ධක කුණ්ඩ ගද්‍රාහි' නමැති පොකුණ අළව්යකුගේ දොරටුපාලයා වූ ගද්‍රහ යකුගේ නමින් ඇති වූවක් බවත් ආළවක වෙනුවට වකුල යන නම ද හිරණ්‍ය වෙනුවට උරෙන් යන නම ද යම් යම් හේතු නිසා භාවිත වී ඇති බවත් වොඩ්ල් මහතා කියයි. බුදුරජාණන් වහන්සේ විසින් දමනය කරන ලද වකුල නම් යකකු ගැන සඳහනක් නොමැති බැවින් එනමින් හියුං සාං හඳුන්වා ඇත්තේ ආළවක යකුම බව සැලකිය හැක.<br /> <br /> (සංස්කරණය: 1965)<br /> <br /> [[ප්‍රවර්ගය: භූගෝල විද්‍යාව - ඉන්දියාව]] <br /> <br /> [[ප්‍රවර්ගය: අ]]</div>

Senasinghe