http://encyclopedia.gov.lk/si_encyclopedia/index.php?action=history&feed=atom&title=%E0%B6%86%E0%B6%A9%E0%B7%92_%E0%B6%85%E0%B6%B8%E0%B7%8F%E0%B7%80%E0%B7%8F%E0%B7%83%E0%B7%92 2026-05-17T14:16:49Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%86%E0%B6%A9%E0%B7%92_%E0%B6%85%E0%B6%B8%E0%B7%8F%E0%B7%80%E0%B7%8F%E0%B7%83%E0%B7%92&diff=6461&oldid=prev 2024-11-04T04:05:30Z

<p>&#039;ඉන්දියාවේ හා ලංකාවේ ඇතැම් හින්දු භක්තිකයන් ව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ඉන්දියාවේ හා ලංකාවේ ඇතැම් හින්දු භක්තිකයන් විසින් මියගිය මවුපියන් සිහිකිරීම් වස් වර්ෂයක් පාසා උත්සවාකාරයෙන් පවත්වනු ලබන චාරිත්‍ර විශේෂයකි. ආඩි යනු ද්‍රවිඩ ජනයා අතර පවත්නා මාස් ව්‍යවහාරයෙහි සිව්වන මාසයයි. එය ජූලි මස 15 වැනි දාටත් අගෝස්තු මස 16 වැනි දාටත් අතර යෙදේ. හැම මාසයක ම හිරු සඳු දෙදෙන එක රාශියක හැසිරෙන අමාවක් තිථිය අමාවාසි නම් වේ. එබැවින් ආඩි මාසයේ අමාවක් දින පවත්වන මේ උත්සවයට ආඩි අමාවාසි යන නම යෙදී තිබේ.<br /> <br /> ආඩි අමාවාසි උත්සවය පැවැත්වීමේ දී ඒ සඳහා තෝරාගත් භූමිය පිරිසිදු කර ගොම පිරිබඩගෙන පහනක් දල්වා සූපව්‍යඤ්ජනාදිය මිශ්‍ර කළ බත්ගුළි තුනක් හා වෙනත් ආහාරපාන වර්ග ද කෙසෙල් පතක තබා මියගිය අය සිහිකර ඒ අයට උපහාරයක් වශයෙන් පිදීම මෙරට සිරිතය. ඉක්බිති ඉන් කොටසක් කාකයන්ට දී ආහාර පානාදිය තැබූ අය ඉතිරි කොටස අනුභව කොට පිළියෙල කළ අනික් ආහාරපානාදිය එහි රැස්වූ ඥාති මිත්‍රාදීන්ට හා යාචකාදීන්ට දී මියගියවුන්ගේ නම් සඳහන් කර ඔවුනට ශුභාශීර්වාද කිරීමෙන් මේ චාරිත්‍ර විධිය අවසන් කරනු ලැබේ. ඇතැම්හු ස්නානය කර සූර්ය නමස්කාරය පවත්වා මියගිය මවුපියන් සිහිකර ඔවුන් තෘප්ත කරවීම පිණිස පුදපූජා පවත්වති. මෙදින උපවාසයෙහි යෙදීම ද ඇතැම් හින්දු භක්තිකයන් අතර පවත්නා සිරිතකි. <br /> <br /> (සංස්කරණය: 1965)<br /> <br /> [[ප්‍රවර්ගය: මානව වංශ විද්‍යාව]] <br /> <br /> [[ප්‍රවර්ගය: ආ]]</div>

Senasinghe