http://encyclopedia.gov.lk/si_encyclopedia/index.php?action=history&feed=atom&title=%E0%B6%86%E0%B6%AF%E0%B7%93%E0%B6%B1%E0%B7%80
ආදීනව - සංශෝධන ඉතිහාසය
2026-05-17T13:18:00Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%86%E0%B6%AF%E0%B7%93%E0%B6%B1%E0%B7%80&diff=6470&oldid=prev
Senasinghe: 'ප්රාණවධාදි විවිධ දුශ්චරිතයන්හි හැසිරීම නිස...' යොදමින් නව පිටුවක් තනන ලදි
2024-11-04T09:39:41Z
<p>'ප්රාණවධාදි විවිධ දුශ්චරිතයන්හි හැසිරීම නිස...' යොදමින් නව පිටුවක් තනන ලදි</p>
<p><b>නව පිටුව</b></p><div>ප්රාණවධාදි විවිධ දුශ්චරිතයන්හි හැසිරීම නිසා එහි අනිෂ්ටවිපාක වශයෙන් උපදනා ඵලය ආදීනව නම් වෙයි. අතිශයින් දීන බවට-දුප්පත්බවට-පැමිණීම යනු ශබ්දාර්ථයි. “අයං භික්ඛවෙ, කාමානං ආදීනවො සන්දිට්ඨිකො දුක්ඛක්ඛන්ධො කාමහෙතු” යනාදී සූත්ර ප්රදේශයන්හි “මහණෙනි, මේ කාමයන්ගේ සාංදෘෂ්ටික-ඉහාත්මයෙහි ඵල උපදවන-ආදීනවයකැ”යි වදාළ තැන වස්තුකාම ක්ලේශකාමයන් ඉපදවීම සඳහා නන්වැදෑරුම් දුක් කම්කටුල්වලට මුහුණ දීම සංඛ්යාත කාමදෝෂය ආදීනව නම් විය. මෙසේ නොයෙක් තැන්හි දෝෂය ම ආදීනව වශයෙන් ආයේය. “ඡ ඉමේ ගහපතිපුත්ත ආදීනවා සුරාමෙරය මජ්ජපමාදට්ඨානානුයොගෙ” යනාදියෙහි “රහමෙර පීමෙහි ආදීනව සයක් ඇතැ”යි එහි දෝෂය වදාරන ලද්දේය.<br />
<br />
ප්රාණවධාදි දුශ්චරිතක්රියායෙහි විපාක විසින් උපදනා අනිෂ්ටඵලය ද ආදීනව යයි වදාරන ලද්දේය. “පාණාතිපාතො භික්ඛවේ ආසෙවිතො භාවිතො බහුලීකතො නිරයසංවත්තනිකො හොති” යනාදීන් පාණාතිපාත සෙවුනා ලදුයේ නිරයෙහි උපදනා පරිදි මිනිස් බැව්හි අල්පායුෂ්ක වන පරිදි ඈ දක්වන ලද්දේ පාප ක්රියාවෙහි අනිෂ්ටඵලයයි. මෙසේ විවිධ දුශ්චරිතයන්ගේ වශයෙන් ආදීනව වදාළ සියගණන් සූත්ර ප්රදේශ දේසනාපාළියෙහි ඇත.<br />
<br />
තවද අනිච්චසඤ්ඤා ආදි දශසංඥා භාවනාවන් අතුරෙහි ආදීනවසඤ්ඤා යයි වදාරන ලද්දේ කයෙහි උපදනා චක්ඛුරෝගාදි විවිධ උපද්රව හෙවත් බොහෝ දුක් ඇති බව පිළිබඳ හැඟීමයි.<br />
<br />
නවවැදෑරුම් විදර්ශනා ඥානයන් අතුරෙහි භයතුපට්ඨාන වශයෙන් උපදනා වූ කාමරූපාරූප යන තුන් භවයට ඇතුළත් සංඛාරපුඤ්ජය ආදීනව හෙවත් දෝෂ වශයෙන් දක්නා විදර්ශනාඥානය ආදිනවානුපස්සනාඤාණය යි වදාරන ලද්දේය.<br />
<br />
(සංස්කරණය: 1965)<br />
<br />
[[ප්රවර්ගය: බෞද්ධ ධර්මපාඨ]] <br />
<br />
[[ප්රවර්ගය: ආ]]</div>
Senasinghe