http://encyclopedia.gov.lk/si_encyclopedia/index.php?action=history&feed=atom&title=%E0%B6%86%E0%B6%B8%E0%B7%99%E0%B6%B1%E0%B7%8A_%E0%B7%84%E0%B7%9D%E0%B6%A7%E0%B7%99%E0%B6%B4%E0%B7%8A 2026-05-18T03:14:53Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%86%E0%B6%B8%E0%B7%99%E0%B6%B1%E0%B7%8A_%E0%B7%84%E0%B7%9D%E0%B6%A7%E0%B7%99%E0%B6%B4%E0%B7%8A&diff=5817&oldid=prev 2024-07-11T04:35:32Z

<p>&#039;(ඇමනෝපිස්). ආමෙන් හෝටෙප් (ඇමනෝපිස්) යනු පුරාතන ම...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(ඇමනෝපිස්). ආමෙන් හෝටෙප් (ඇමනෝපිස්) යනු පුරාතන මිසරයේ 18 වන රාජ වංශයේ පාරාවෝවරුන් සිව් දෙනකුන් විසින් ම දැරූ නාමයකි. <br /> <br /> == ආමෙන් හෝටෙප් I ==<br /> ආමෙසිස් I රජුගේ පුතෙකි. මොහු ක්‍රි.පූ. 1570 පමණේ සිට අවුරුදු 10ක් පමණ මිසරය පාලනය කෙළේය. මිසර අධිරාජ්‍යය පුළුල් කිරීම පිණිස මෙතෙම ලිබියාවේ සටන් කෙළේය. ආසියානු ප්‍රදේශවලට ද සෙනග යැවූ බව පෙනේ.<br /> <br /> == ආමෙන් හෝටෙප් II ==<br /> තුන්වන තෝත්මස් රජුගේ පුත්‍රයෙකි. ක්‍රි.පූ. 1450 සිට මෙතෙම අවුරුදු විසිපහක් කල් රාජ්‍යය කළේය. මොහු ද මිසර අධිරාජ්‍යය විශාල කිරීමේ අභිප්‍රායයෙන් අවට රටවල් ආක්‍රමණය කළ නමුත් ඒ සටන් එතරම් සඵල නොවීය.<br /> <br /> == ආමෙන් හෝටෙප් III ==<br /> සිව්වන තෝත්මස් රජුගේ පුත්‍රයෙකි. ක්‍රි.පූ. 1410 දී රජකමට පත් වූ මෙතෙම අවුරුදු 36ක් කල් රාජ්‍යය කළේය. තම රාජ්‍ය සමයේ දී සාමය පැවති බැවින් මොහුට තීබ්ස් ආදී ස්ථානයන්හි මහත් වියදම් දරා විශාල ගොඩනැගිලි ඉදි කිරීමට හැකිවිය.<br /> <br /> == ආමෙන් හෝටෙප් IV (අක්නාටන්) ==<br /> ආමෙන් හෝටෙප් III රජුගේ පුත්‍ර මොහු, ආටන් නමින් දන්නා ලද හිරු දෙවියන් කෙරෙහි දැක්වූ දැඩි භක්තිය නිසා තම නාමය අක්නාටන් යනුවෙන් වෙනස් කළේය. හිරු දෙවියන් කෙරෙහි දැක්වූ භක්තිය නිසා මෙතෙම අන්‍ය මිසර දෙවිවරුන් ඇදහීම තහනම් කොට, එම දේවාලයන්හි ආදායම රාජසන්තක කළේය. දැනට ටෙල්-අල්-අමර්නා නමින් හැඳින්වෙන ස්ථානයේ මොහු අගනුවරක් ගොඩ නැඟීය. සීමාන්තික ආගම භක්තිය නිසා මිසරයේ පාරාවෝවරුන් අතර විශේෂ තැනක් ගන්නා මොහු ක්‍රි.පූ. 1353 දී පමණ මිය ගියේය.<br /> <br /> (සංස්කරණය: 1965)<br /> <br /> [[ප්‍රවර්ගය: මිසර ඉතිහාසය]] <br /> <br /> [[ප්‍රවර්ගය: ආ]]</div>

Senasinghe