http://encyclopedia.gov.lk/si_encyclopedia/index.php?action=history&feed=atom&title=%E0%B6%86%E0%B6%BA%E0%B7%92%E0%B6%AD%E0%B7%8A%E0%B6%AD%E0%B7%8F%E0%B6%BD%E0%B7%92%E0%B6%BA%E0%B6%AF%E0%B7%8A%E0%B6%AF%E0%B7%9A_%E0%B6%B8%E0%B7%94%E0%B7%84%E0%B6%B1%E0%B7%8A%E0%B6%AF%E0%B7%92%E0%B6%BB%E0%B6%B8%E0%B7%8A 2026-05-17T14:18:22Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%86%E0%B6%BA%E0%B7%92%E0%B6%AD%E0%B7%8A%E0%B6%AD%E0%B7%8F%E0%B6%BD%E0%B7%92%E0%B6%BA%E0%B6%AF%E0%B7%8A%E0%B6%AF%E0%B7%9A_%E0%B6%B8%E0%B7%94%E0%B7%84%E0%B6%B1%E0%B7%8A%E0%B6%AF%E0%B7%92%E0%B6%BB%E0%B6%B8%E0%B7%8A&diff=6439&oldid=prev 2024-10-22T09:59:55Z

<p>&#039;ලක්දිව උපසම්පදාව පිහිටුවනු සඳහා සියම් දේශයෙන...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ලක්දිව උපසම්පදාව පිහිටුවනු සඳහා සියම් දේශයෙන් භික්ෂූන් වැඩමවා ගෙන ඊමට දූතමෙහෙවරෙහි යෙදුණු රාජ්‍ය නිලධාරීන් පස්දෙනා අතුරෙන් කෙනෙකි. “මාහැඟි පඬුරු ශ්‍රී සන්නස් හා පූජා භාණ්ඩයන් සම්පාදනය කොට පට්ටපොළ මොහොට්ටි නිලමේ ද ඇල්ලෙපොළ මොහොට්ටි නිලමේ ද යටිනුවර ඊරියගම නිලමේ ද විල්බාගෙදර නිලමේ ද ආයිත්තා ලියද්දේ නිලමේ ද යන මේ නිලමක්කාර පස්දෙනා ප්‍රධාන කොට ඇති” යන ස්‍යාමෝපසම්පදාවත් පාඨයෙහි පස්වැන්නා ලෙස ආයිත්තාලියද්දේ සඳහන් වෙයි. ඔහු විසින් ම ලියන ලද සංඝරාජ සාධුචරියාවෙහි: “නැවත තුන්වැනි වාරෙත් එම විල්බාගෙදර මුහන්දිරම් රාළත්” යනාදි වශයෙන් දක්වා ඇත. “ආයිත්තාලියද්දේ” යනු එම නිලධරයා ග්‍රාම නාමයෙන් හඳුන්වාලූ සැටිය. ඔහු &quot;වෙඩික්කාර ලේකමේ දුම්බර නිලය&quot; දැරූ බව සඳහන් වන හෙයින් දුම්බර වාසය කළ බව සිතා ගත හැකිය.<br /> <br /> ආයිත්තාලියද්දේ නිලමේ සියම්රට දූත ගමනෙහි යෙදීමෙන් ශාසන සංග්‍රහයක් ද &quot;[[සංඝරාජ සාධුචරියා]]&quot; (බ.) නම් වූ සරණංකර සංඝරාජයන් වහන්සේගේ චරිතාවදානය සංග්‍රහ කළ ග්‍රන්ථය සම්පාදනය කිරීමෙන් සිංහල සාහිත්‍යයට හා තත්කාලීන ශාසනික වූත් දේශීය වූත් ප්‍රවෘත්ති දක්වාලීමෙන් ඉතිහාසයට මහඟු සේවයක් ද කෙළේය. සංඝරාජ සාධුචරියාවෙහි කතුවරයා පිළිබඳ සටහනක් නැත ද ඊරිමින්නේ විපස්සී තෙරුන් විසින් එකල ම ලියන ලද “ආදාහන වත” නම් ග්‍රන්ථයෙහි එය “ආයිත්තාලියද්දේ මුහන්දිරම්ගේ කෘතියකැ”යි සඳහන් කොට ඇත. ලියන ලද්දේ ශ.ව. 1701 දී සඟරජ හිමියන් අපවත් වී වර්ෂයකින් පසුවය.<br /> <br /> (සංස්කරණය: 1965)<br /> <br /> [[ප්‍රවර්ගය: පුද්ගල චරිත - ලංකාව]] <br /> <br /> [[ප්‍රවර්ගය: ආ]]</div>

Senasinghe