http://encyclopedia.gov.lk/si_encyclopedia/index.php?action=history&feed=atom&title=%E0%B6%86%E0%B6%BB%E0%B7%96_%E0%B6%AF%E0%B7%96%E0%B6%B4%E0%B6%AD%E0%B7%8A 2026-05-17T07:23:56Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%86%E0%B6%BB%E0%B7%96_%E0%B6%AF%E0%B7%96%E0%B6%B4%E0%B6%AD%E0%B7%8A&diff=6570&oldid=prev 2024-12-04T06:17:50Z

<p>&#039;නැගෙනහිර දේශාංශ 134° හා 135°ත් දක්ෂිණාංශ 5°18′ හා 7°5′...&#039; යොදමින් නව පිටුවක් තනන ලදි</p> <p><b>නව පිටුව</b></p><div>නැගෙනහිර දේශාංශ 134° හා 135°ත් දක්ෂිණාංශ 5°18′ හා 7°5′ත් අතර ඕස්ට්‍රෙලියා-නවගිනි මහාද්වීප තටක කෙළවරෙහි පිහිටි කොදිව් සමූහයෙකි; ඉන්දුනීසියා දූපත් පන්තියෙහි නැගෙනහිර සීමාවයි. සැතැපුම් 122ක් දික් වූ ද සැතැපුම් 58ක් පළල් වූ ද ටානා-බෙසාර් නම් එක් විශාල දිවයිනකින් ද කුඩා කොදිව් සියයකින් පමණ ද යුත් වූ මේ දූපත් සමූහයෙහි සම්පූර්ණ විශාලත්වය වර්ග සැතැපුම් 3,244ක් පමණ වේ. ටානා-බෙසාර් දිවයින ද එය හරහා ඇති පටු මුහුදු නිසා කුඩා කොටස් හයකට පමණ බෙදී පවතී. මුහුදු මට්ටමේ සිට වඩා නොඋස්ව පිහිටියාවූ ද හිරිගල්වලින් සැදුණා වූ ද එහි වෙරළාසන්න පෙදෙස් බොහෝ වගුරු සහිත නමුත් රට මැද ඝර්මකලාපීය ඝන වනාන්තර තිබේ. මෙහි වසන පැපුවන් වර්ගයට අයත් ගෝත්‍රිකයෝ සාමාන්‍යයෙන් ශාන්ත ගතිගුණවලින් යුක්තයහ. ඔව්හු වැඩි වශයෙන් වෙරළාසන්න ගම්බද පෙදෙස්වල වාසය කරති. දඩයම් කිරීම හා වී, උක් සහ දුම්කොළ වගා කිරීම ඔවුන්ගේ ප්‍රධාන ජීවනෝපාය මාර්ගයෝය.<br /> <br /> ආරූ දූපත්වල ප්‍රධාන නගරය මෙන් ම එක ම වරාය ද වමර් දිවයිනෙහි පිහිටි ඩෝබෝයි. මුතු කිමිදීම සහ කැස්බෑලෙලි රැස්කිරීම දිවයින් අවට මුහුදේ වැදගත් කර්මාන්තය. පැරඩයිස් කුරුල්ලන්ගේ පිහාටු රැස්කිරීම ද තවත් ආදායම් මාර්ගයකි. ආරූ දිවයින් දෙවැනි ලෝක යුද්ධයේ දී (1942) ජපනුන් විසින් අල්ලා ගන්නා ලදි. <br /> <br /> (සංස්කරණය: 1965)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ආ]]</div>

Senasinghe