http://encyclopedia.gov.lk/si_encyclopedia/index.php?action=history&feed=atom&title=%E0%B6%87%E0%B6%B1%E0%B7%8A%E0%B6%A7%E0%B6%B1%E0%B7%90%E0%B6%B1%E0%B6%BB%E0%B7%93%E0%B7%80%E0%B7%9D 2026-05-15T12:30:52Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%87%E0%B6%B1%E0%B7%8A%E0%B6%A7%E0%B6%B1%E0%B7%90%E0%B6%B1%E0%B6%BB%E0%B7%93%E0%B7%80%E0%B7%9D&diff=8947&oldid=prev 2025-08-22T10:45:00Z

<p>&#039;(ටානානාරීව්). මැඩගස්කර් දිවයිනේ අගනුවරයි. දිවය...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(ටානානාරීව්). මැඩගස්කර් දිවයිනේ අගනුවරයි. දිවයින මධ්‍යයෙහි කඳුකර ප්‍රදේශයක මුහුදු මට්ටමේ සිට අඩි 4,694ක් පමණ උස් වූ ප්‍රපාතාකාර බෑවුම් සහිත කන්දක් මත මෙම නගරය ඉදි කර ඇත. නගරයේ ඉතා ම ඉහළ කොටසෙහි මෙරිනා (Merina) රජවරුන් විසින් ගොඩනඟන ලද විශාල ප්‍රාසාද සහිත රාජ භූමිය දක්නට ලැබේ. රාජ්‍ය පාලන ගොඩනැඟිලි ආදිය කඳු බෑවුමෙහි මැද කොටසේ පිහිටා ඇති අතර පහත් බෑවුම්වල වෙළෙඳ කාර්යාංශ වේ. අවට පහත් බිම් වැඩි වශයෙන් වී ගොවිතැන සඳහා යොදා ඇත. වී ගොවිතැන ප්‍රධාන ආදායම් මාර්ගය වේ. රෙදි විවීම, සම් පදම් කිරීම, මස් ආදි ආහාර ද්‍රව්‍ය සකස් කිරීම හා දුම්කොළ කර්මාන්තය ද මෙහි ඉතා දියුණුය.<br /> <br /> මැඩගස්කර්හි ප්‍රධාන පාලන මධ්‍යස්ථානය මෙන් ම මූලික වෙළෙඳ මධ්‍යස්ථානය ද වන මේ නගරයේ සිට ප්‍රධාන තොට වන ටාමාටාව් දක්වා දුම්රිය මාර්ගයක් වේ. ඉවාටෝ හා අරිවොනිමානෝ ගුවන් තොටුපළවලින් ද ඇන්ටනැනරීවෝ නගරයට ගමනාගමන පහසුකම් සැලසේ.<br /> <br /> 17 වැනි ශත වර්ෂයේ සිට බොහෝ කාලයක් තිස්සේ හෝවා අධිපතීන්ගේ පාලන මධ්‍යස්ථානය වූ මෙම නගරය 1895 දී මැඩගස්කර්හි ප්‍රංස පාලන බලය තහවුරු වීමෙන් පසු වඩාත් දියුණු විය. 1820 දී පමණ පැමිණි ප්‍රොතෙස්තන්ත හා රෝමානු කතෝලික මිෂනාරිවරුන්ගේ බලපෑම් හේතුකොට ගෙන එම ආගම් දියුණු වී ඇති අන්දමට දෙස් දෙන අලංකාර දේවස්ථාන හා පාසැල් කීපයක් ම මෙහි ඇත. නීති හා වෛද්‍ය විද්‍යා ආයතන ද කාලගුණ නිරීක්ෂණාගාරයක් ද නගරයේ වැදගත් ගොඩනැගිලි අතර වේ.<br /> <br /> ඇන්ටනැනරීවෝහි ජනගහනය (1962) 247,917කි. ([[මැඩගස්කර්]] බ.)<br /> <br /> (සංස්කරණය: 1967)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඇ]]</div>

Senasinghe