http://encyclopedia.gov.lk/si_encyclopedia/index.php?action=history&feed=atom&title=%E0%B6%87%E0%B6%B1%E0%B7%8A%E0%B6%A7%E0%B7%9C%E0%B7%86%E0%B7%90%E0%B6%9C%E0%B7%83%E0%B7%8A%E0%B6%A7%E0%B7%8F 2026-05-15T12:30:53Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%87%E0%B6%B1%E0%B7%8A%E0%B6%A7%E0%B7%9C%E0%B7%86%E0%B7%90%E0%B6%9C%E0%B7%83%E0%B7%8A%E0%B6%A7%E0%B7%8F&diff=8969&oldid=prev 2025-08-26T10:16:08Z

<p>&#039;චිලී සමූහාණ්ඩුවේ විශාලතම පළාත හා එහි අගනුවර ම...&#039; යොදමින් නව පිටුවක් තනන ලදි</p> <p><b>නව පිටුව</b></p><div>චිලී සමූහාණ්ඩුවේ විශාලතම පළාත හා එහි අගනුවර මෙනමින් හැඳින්වේ. තාරාපාකා, අටකාමා යන පළාත් දෙක අතර පිහිටි ඇන්ටොෆැගස්ටා පළාත වර්ග සැතපුම් 47,515ක් පමණ විශාලය. ජනගහනය (1960) 214,090කි. ලෝකයෙහි විශාලතම තඹ නිධිය ඇත්තේ මෙහිය. ලෝකයේ නයිට්රේට් නිෂ්පාදනයෙන් අඩකට වඩා ප්‍රමාණයක් ද මෙහි උපදියි. යකඩ, රිදී, ඊයම්, බෝරැක්ස් ආදි ඛනිජ වර්ග ද මෙහි බහුලය. අටකාමා කාන්තාරය ආශ්‍රිත මේ ප්‍රදේශයෙහි උෂ්ණත්වය මධ්‍යස්ථ වුව ද වර්ෂාව මඳ හෙයින් ජල පහසුව නැති වීම විශාල අඩුපාඩුවකි. පැසිෆික් යුද්ධයට පෙර බොලීවියාවට අයත්ව තුබුණු මේ පළාත 1879 දී චිලී දේශය විසින් ලබාගන්නා ලදි.<br /> <br /> ඇන්ටොෆැගැස්ටා නගරය බොලීවියානු ආණ්ඩුව යටතේ වූ චිලී ජාතිකයන් විසින් ආකර කර්මාන්තය දියුණු කිරීම පිණිස 1870 දී ඉදිකරන ලද්දකි. බොලීවියාව, ආජන්ටීනාව ආදි රටවල් සමඟ දුම්රිය සහ මහාමාර්ග සම්බන්ධකම් ඇති වීම නිසා මෙය අන්තර්ජාතික වෙළෙඳ මධ්‍යස්ථානයක් බවට පත්ව තිබේ. රිදී සහ නයිට්රේට් ආකර කර්මාන්ත දියුණු අවට ප්‍රදේශවල ප්‍රධාන නැව් තොට මෙයයි. එය නිදහස් වෙළෙඳ තොටකි. වයින් පෙරීම, ටින්වල මසුන් ඇහිරීම, වෙඩි බෙහෙත් සෑදීම, සබන් සහ සායම් සෑදීම, ඛනිජ තෙල් පිරිසිදු කිරීම, ලෝහ උණු කිරීම සහ රෙදි විවීම ප්‍රධාන කර්මාන්තයි. වැස්ස හිඟ මේ නගරයට දිය සැපයෙන්නේ සැතැපුම් 280ක් ඈතිනි. ජනගහනය (1960) 62,272කි.<br /> <br /> (සංස්කරණය: 1967)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඇ]]</div>

Senasinghe