http://encyclopedia.gov.lk/si_encyclopedia/index.php?action=history&feed=atom&title=%E0%B6%87%E0%B6%B1%E0%B7%90%E0%B6%9A%E0%B7%8A%E0%B7%83%E0%B6%9C%E0%B7%9D%E0%B6%BB%E0%B7%83%E0%B7%8A 2026-05-15T16:40:39Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%87%E0%B6%B1%E0%B7%90%E0%B6%9A%E0%B7%8A%E0%B7%83%E0%B6%9C%E0%B7%9D%E0%B6%BB%E0%B7%83%E0%B7%8A&diff=8475&oldid=prev 2025-07-08T03:17:09Z

<p>&#039;(Anaxagoras) ක්‍රි‍.පූ. 500?-428?. අයෝනියානු (ග්‍රීක) දාර්ශනි...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Anaxagoras) ක්‍රි‍.පූ. 500?-428?. අයෝනියානු (ග්‍රීක) දාර්ශනිකයෙකි. සුළු ආසියාවේ ක්ලසොමනී නම් ප්‍රදේශයෙහි උපත ලැබූ ඇනැක්සගෝරස් සිය ජීවිත කාලයෙන් තිස් වසක් පමණ ම ඇතන්ස්හි ගත කළ බව පෙනේ. ඇතන්ස් පුරය දාර්ශනික මධ්‍යස්ථානයක් බවට හැරවූයේ මොහු යයි සලකනු ලැබේ. හෙතෙම [[පෙරික්ලීස්]] (බ.) දේශපාලනඥයාගේ ද [[යුරිපිඩීස්]] (බ.) කවියාගේ ද හිත මිත්‍රයෙක් විය.<br /> <br /> ආගමට හා ආචාර ධර්මයට ගරු සැලකිලි නොදැක්වූ ඇනැක්සගෝරස් සූර්යයා ගිනියම් වූ ගලකැයි ද චන්ද්‍රයා පඨවියෙන් නිර්මිත යයි ද දෙසීම නිසා අදේවවාදියෙකැයි චෝදනා කොට පිටිවාසල් කරනු ලැබීය. <br /> <br /> ඇනැක්සගෝරස්ගේ ඉගැන්වීම්වලින් ඉතා සුළු කොටසක් පමණක් ග්‍රන්ථ ඛණ්ඩ ස්වරූපයෙන් ශේෂව පවතී.<br /> <br /> සියලු දෙයක් ම අනන්තව බෙදිය හැකි බව ද ඉතා ක්ෂුද්‍ර වූ ද්‍රව්‍ය අණුවක පවා හැම ධාතුවක ම කිසියම් ප්‍රමාණයක් ඇතුළත් යයි ද යම් ද්‍රව්‍යයක කිසියම් ධාතුවක් අධිකතර නම් ඒ ද්‍රව්‍යය ඊට අයත් යයි ද ඔහු කීවේය. එම්පෙඩොක්ලීස් මෙන් ශූන්‍යයට (හිස් බවට) විරුද්ධව කරුණු කී ඔහු කිසිවක් නැති සේ පෙනෙතුදු සුළං පිරවූ හම් පයියක වාතය තිබෙන බව නිදසුන් වශයෙන් දැක්විය.<br /> <br /> මනස (අභිචිත්තය=ග්‍රී. නෞස්) ගැන පවසන හෙතෙම සජීව දෑ නිර්මාණයෙහිලා එ ද එක්වෙතැයි ද සියලු ම සජීව වස්තූන් විෂයෙහි මනස අධිපති යයි ද කියයි. “මනස අනන්තය; ස්වයං පාලිතය; කිසිවක් හා මිශ්‍ර නැත.” කෙතරම් ක්ෂුද්‍ර වූ දැයක වුව ද සුදු කළු, උෂ්ණ ශීත වැනි සකල ප්‍රතියෝගයන්ගේ ම කොටස් අන්තර්ගත යයි කියන හෙතෙම හිම (තරමක් දුරට) කළු යයි පවසයි. එහෙත් මනසෙහි පමණක් ප්‍රතියෝගයන් නොමැති බව ඔහු කියා සිටියි.<br /> <br /> විද්‍යාව අතින් ඇනැක්සගෝරස්ට හිමි වනුයේ උසස් තැනකි. චන්ද්‍රයා පරාවර්ත ආලෝකයෙන් බබළන වස්තුවක් බව මුලින් ම පැවසූයේ ඇනැක්සගෝරස්ය. ආදියෙන් ම දැක්වීමේ ගෞරවය ද ඔහුට අයත්ය. සූර්යයා චන්ද්‍රයාට වඩා ඈත ඉහළ සිටින බව ද හෙතෙම දැන සිටියේය. “සූර්යයා හා තාරකාවෝ අග්නිමය පාෂාණයෝය; එහෙත් තාරකාවන්ගේ තාපය අපට නොදැනෙනුයේ ඒවා අතිදූරස්ථ බැවිනැ&quot;යි ඔහු පැවසීය. <br /> <br /> ඇනැක්සගෝරස් ප්‍රථම ගණයේ ග්‍රීක දාර්ශනිකයකු සේ නොගැනෙතත් බටහිර දර්ශන ඉතිහාසයෙහි ඔහුට වැදගත් තැනක් හිමි වේ. <br /> <br /> (සංස්කරණය: 1967)<br /> <br /> [[ප්‍රවර්ගය: පුද්ගල චරිත - පැරණි ග්‍රීක දාර්ශනිකයෝ]] <br /> <br /> [[ප්‍රවර්ගය: ඇ]]</div>

Senasinghe