http://encyclopedia.gov.lk/si_encyclopedia/index.php?action=history&feed=atom&title=%E0%B6%87%E0%B6%B8%E0%B7%92%E0%B6%BA%E0%B6%B1%E0%B7%8A%E0%B7%83%E0%B7%8A 2026-06-17T09:29:44Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%87%E0%B6%B8%E0%B7%92%E0%B6%BA%E0%B6%B1%E0%B7%8A%E0%B7%83%E0%B7%8A&diff=11018&oldid=prev 2026-05-27T04:48:19Z

<p>&#039;(ඒමියන්ස්, අම්යැං). උතුරු ප්‍රංසයේ සෝම් පළාතේ ප...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(ඒමියන්ස්, අම්යැං). උතුරු ප්‍රංසයේ සෝම් පළාතේ ප්‍රධාන නගරයයි. සෝම් ගං ඉවුරේ පිහිටි මෙය රෝමවරුන්ගේ පාලනයට යටත් වීමට පෙර සමරෝබ්‍රිවා නමින් හැඳින්වුණේය. පස්වැනි ශතවර්ෂයේ දී ෆ්රෑන්ක්වරුනට ද 1185 දී ප්‍රංස රාජ්‍යයට ද 1435 දී බ'ගන්ඩි ආදිපාදවරුනට ද 1597 දී ස්පාඤ්ඤයට ද 1870 දී ප්‍රසියාවට ද හිමි වූ ඇමියන්ස් වැදගත් ඓතිහාසික නගරයකි. බ්‍රිතාන්‍යය, ප්‍රංසය, ස්පාඤ්ඤය හා ඕලන්දය අතර 1802 දී ඇති කරගත් සුප්‍රකට [[ඇමියන්ස් ගිවිසුම]] (බ.) අත්සන් කරන ලද්දේ මෙහි දීය. ලෝක සංග්‍රාම දෙකේ දී ම ජර්මනුන් විසින් අල්ලාගනු ලැබූ මෙම නගරය ඒ දෙවර ම ඔවුන් අතින් මහත් වනසට පත් විය. මෙහි පිහිටි ‘නෝත්‍ර දාම්’ දේවස්ථානය (1220) ප්‍රංසයේ විශාලතම විශිෂ්ට ගොතික් දේවමන්දිරයයි. <br /> <br /> වර්තමාන ඇමියන්ස් නගරය ප්‍රංසයේ ප්‍රධාන කාර්මික නගරයකි. මෙහි ලොම් සහ කපු රෙදිපිළී කර්මාන්තය ද රසායන ද්‍රව්‍ය, පාවහන්, යන්ත්‍රසූත්‍ර සහ ලෝහ කර්මාන්ත ද දියුණුය. අවුරුදු පතා මෙහි වෙළඳ සල්පිලක් පවත්වති. ජනගහනය (1954) 92,506කි.<br /> <br /> (සංස්කරණය: 1967)<br /> <br /> [[ප්‍රවර්ගය: භූගෝල විද්‍යාව-ප්‍රංසය]] <br /> <br /> [[ප්‍රවර්ගය: ඇ]]</div>

Senasinghe