http://encyclopedia.gov.lk/si_encyclopedia/index.php?action=history&feed=atom&title=%E0%B6%87%E0%B6%BD%E0%B7%8A%E0%B6%BD 2026-11-07T17:09:04Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%87%E0%B6%BD%E0%B7%8A%E0%B6%BD&diff=12036&oldid=prev 2026-10-22T09:23:10Z

<p>&#039;බදුලු දිස්ත්‍රික්කයෙහි යටිකිඳ කුඹල්වෙල කෝරළ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>බදුලු දිස්ත්‍රික්කයෙහි යටිකිඳ කුඹල්වෙල කෝරළයෙහි පිහිටි දර්ශනීය ස්ථානයකි. මෙය බටහිරින් සමනළ කන්දේ සිට නැගෙනහිරින් නමුණුකුළ වැටිය දක්වා අඛණ්ඩව විහිදි පර්වත වේදිකාවෙහි පවත්නා කපොලුවලින් එකකි. එහෙයින් ඇල්ල ඔස්සේ ගමන් මාර්ග ඇතිවීම පුදුමයක් නොවේ. උඩරට දුම්රිය මාර්ගයෙහි බණ්ඩාරවෙල සිට සැ. 8ක් පමණ ඔබ්බෙහි ද දෙමෝදර සිට සැ. 4ක් පමණ මොබ්බෙහි ද පිහිටි දුම්රිය ස්ථානය ඇල්ලය. බණ්ඩාරවෙල-පස්සර මහා මාර්ගය ඇල්ල ඔස්සේ වැටී ඇත. බණ්ඩාරවෙල සිට ඇල්ලට දුර සැ. 7, 1/2කි. කොළඹ සිට සැ. 126, 3/4කි. ඇල්ලෙන් ගිනිකොන දෙසට කිරිඳි ඔයේ දකුණු ඉවුර දිගේ [[රාවණා ඇල්ල]] (බ.) සමීපයට යා හැකි අඩි පාරක් ඇත. රාවණා ගුහාව ද මේ අසල පිහිටා ඇත. මුහුදු මට්ටමේ සිට අඩි 3,300ක් පමණ වූ ඇල්ලේ සිට කපොල්ල අතරින් දිස්වන ගිනිකොන පහත්බිම්වල මනස්කාන්ත දර්ශනය ද ඇල්ල හා අවට ප්‍රදේශයෙහි සුවදායක දේශගුණය ද නිසා මේ ස්ථානය විනෝද හා සංචාරක මධ්‍යස්ථානයක් බවට පත් වී තිබේ. මේ නිසා ප්‍රධාන පන්තියේ තානායම් පොළක් ද මෙහි පිහිටුවා ඇත. තැපැල් කන්තෝරුවක්, පොලීසියක් හා ඩිස්පැන්සරියක් මෙහි ඇත. <br /> <br /> ඇල්ලේ කපොල්ලෙහි දක්නා අභිරාම සෞන්දර්‍ය්‍යයත් පරම ඖදාර්යයත් ඊට වඩා අසිරිමත් පරිද්දෙකින් සංකලනය කෙරෙන දර්ශනයක් මිහිපිට තවත් නැතැයි කීමට තරම් එමර්සන් ටෙනන්ට් මහතා ඇල්ලේ සිරියෙන් වශීකෘත විය. <br /> <br /> (සංස්කරණය: 1967)<br /> <br /> [[ප්‍රවර්ගය: භූගෝල විද්‍යාව-ලංකාව]] <br /> <br /> [[ප්‍රවර්ගය: ඇ]]</div>

Senasinghe