http://encyclopedia.gov.lk/si_encyclopedia/index.php?action=history&feed=atom&title=%E0%B6%89%E0%B6%B4%E0%B7%8A%E0%B7%83%E0%B7%8A%E0%B7%80%E0%B7%92%E0%B6%A0%E0%B7%8A 2026-05-16T03:44:59Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%89%E0%B6%B4%E0%B7%8A%E0%B7%83%E0%B7%8A%E0%B7%80%E0%B7%92%E0%B6%A0%E0%B7%8A&diff=8204&oldid=prev 2025-06-12T02:57:42Z

<p>&#039;එංගලන්තයෙහි ද ඇමෙරිකා එක්සත් ජනපද රාජ්‍යයෙහි...&#039; යොදමින් නව පිටුවක් තනන ලදි</p> <p><b>නව පිටුව</b></p><div>එංගලන්තයෙහි ද ඇමෙරිකා එක්සත් ජනපද රාජ්‍යයෙහි ද ඕස්ට්‍රේලියාවෙහි ද මෙනමින් නගර තුනක් ඇත.<br /> <br /> 1. නැගෙනහිර එංගලන්තයේ සෆක් කෝරළයෙහි, ලන්ඩන් නුවරට සැතැපුම් 69ක් ඊසාන දිගින්, ඕවල් ගඟබඩ පිහිටි, නගර සභාවක් ද සහිත පාර්ලිමේන්තු කොට්ඨාසයකි. එය පිහිටි කෝරළය හා කෝරළ නගරය ද මෙනමින් ම හැඳින්වේ.<br /> <br /> කලෙක මෙය රෝම සහ සැක්සන් ජනාවාසයක් ව පැවති බවට සාක්ෂ්‍ය එහි අදත් දක්නට ඇත. 1200 දී ජෝන් රජුගෙන් නගර අයිතිවාසිකම් ලබා පසු කාලයේ දී වැදගත් වෙළෙඳ මධ්‍යස්ථානයක් වශයෙන් දියුණු වූ මේ නගරයෙහි මධ්‍යකාලීන ඓතිහාසික ගොඩනැඟිලි කීපයක් තව ම තිබේ. මෙකල කලාභවනක් සහ කෞතුකාගාරයක් බවට පත්ව ඇති ක්‍රයිස්ට් ච'ච් මන්දිරය ඉන් එකකි. වුල්සි කාඩිනල්තුමා (1452-1530) උපන්නේ ඉප්ස්විච්හි දීය. මහාද්වීපයේ පිහිටි රටවල් හා ගනුදෙනු කරන නැව්තොටක් සහ දුම්රිය සන්ධිස්ථානයක් ද වූ එහි ප්‍රසිද්ධ ධාන්‍ය සහ ගව වෙළෙඳපොළක් ද ඇත.<br /> <br /> වර්තමාන ඉප්ස්විච් නගරයෙහි රෙදි විවීම ද කඩදාසි, ලීබඩු, පෝර, (බීට්) සීනි, සිමෙන්ති, විදුලි උපකරණ සහ ගොවි උපකරණ ආදිය නිපදවීම ද කරනු ලැබේ. ජනගහනය (1965) 120,750කි.<br /> <br /> 2. එක්සත් ජනපදයට අයත් ඉප්ස්විච් නගරය මැසචූසෙට්ස්හි ඊසානේ එසෙක්ස්හි පිහිටියේය. 1764 දී මෙහි ඉදිකරනු ලැබූ 'චෝට්’ පාලම ඇමෙරිකාවේ ගල් ආරුක්කු සහිතව ඉදිකරන ලද ප්‍රථම පාලමයි. නැව් තටාකයක් ද ඇති මෙහි ජනගහනය 7,000ක් පමණි.<br /> <br /> 3. ක්වීන්ස්ලන්තයේ ගිනිකොනෙහි, බ්‍රිස්බේන් පුරයෙන් සැතැපුම් 23 ½ක් බටහිරින් පිහිටියේය. ගල් අඟුරු හෑරීම, ලොම් රෙදි විවීම සහ ලී ඉරීම මෙහි ප්‍රධාන කර්මාන්ත වේ. 1829 දී පළමු ජනාවාස ඇති වූ මෙහි ජනගහනය (1964) 52,000කි.<br /> <br /> (සංස්කරණය: 1970)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඉ]]</div>

Senasinghe