http://encyclopedia.gov.lk/si_encyclopedia/index.php?action=history&feed=atom&title=%E0%B6%89%E0%B6%B8%E0%B7%8A%E0%B7%84%E0%B7%9C%E0%B6%AD%E0%B7%99%E0%B6%B4%E0%B7%8A
ඉම්හොතෙප් - සංශෝධන ඉතිහාසය
2026-05-16T04:43:00Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%89%E0%B6%B8%E0%B7%8A%E0%B7%84%E0%B7%9C%E0%B6%AD%E0%B7%99%E0%B6%B4%E0%B7%8A&diff=8137&oldid=prev
Senasinghe: 'පුරාණ මිසරයේ වෛද්යවරයකු ද මුනිවරයකු ද වූ මෙත...' යොදමින් නව පිටුවක් තනන ලදි
2025-06-02T04:38:42Z
<p>'පුරාණ මිසරයේ වෛද්යවරයකු ද මුනිවරයකු ද වූ මෙත...' යොදමින් නව පිටුවක් තනන ලදි</p>
<p><b>නව පිටුව</b></p><div>පුරාණ මිසරයේ වෛද්යවරයකු ද මුනිවරයකු ද වූ මෙතෙමේ පසුව දේවත්වයෙන් සලකනු ලැබීය. මොහු තෙවෙනි රජ පෙළපතට අයත් ශෝසර් පාරාවෝ රජුගේ රාජසභාවෙහි අමාත්යවරයකු, ගෘහනිර්මාණ ශිල්පියකු, ධර්මාචාර්ය්යවරයකු හා වෛද්යවරයකු වශයෙන් සේවාවන්හි යෙදුණු බව ඇතැම් මිසර ග්රන්ථයන්හි පළ වේ. කෙසේ වෙතත් ප්රඥාපාටවය සම්බන්ධයෙන් විශේෂ කීර්තියක් ඉසිලූ මෙතෙමේ පළමුව උපදේවතාවකු ලෙස ද පසුව වෛද්යකර්මය පිළිබඳ දේවතාවා ලෙස ද වන්දනමාන කරනු ලැබීය.<br />
<br />
ඉම්හොතෙප් වෛද්යවරයකු වූ බවට පැහැදිලි සාක්ෂ්ය නොමැති වුව ද ඔහු නොයෙක් අභිචාර විධිවල යෙදුණු බව පිළිගත හැකිය. මිසරයේ වෛද්යකර්මය හා අභිචාරවිධි අතර ඉතා කිට්ටු සම්බන්ධයක් වූ බැවින් ඔහු වෛද්යවරයකු වශයෙන් පිළිගැනුණු බව සිතාගත හැකිය. ඉම්හොතෙප් විශාරදයකු බවත් කනුෆර් හා ඛ්රෙඩුවොන්ඛ් යන දෙදෙනා දෙමාපිය කොටගෙන මෙම්ෆිස් නගරය අසල උත්පත්තිය ලැබූ බවත් ඇතැම් සාහිත්ය ග්රන්ථවල දැක්වේ. පසු කලක ඔහු දිව්ය පෙළපතකින් පැවතෙන්නකු වශයෙන් සලකනු ලැබ ප්ටා දෙවියන්ගේ පුත්රයා ලෙස වන්දනමානනයට පාත්ර විය. රජපෙළපතට අයත් නොවූ පුද්ගලයකු මෙසේ දේවත්වයෙන් සැලැකීම මිසරයේ ඉතා දුර්ලභ සිද්ධියකි. ඉම්හොතෙප් ලබ්ධියේ මධ්යස්ථානය ලෙස සැලැකෙන්නේ මෙම්ෆිස් නගරයයි. මිසරයේ හා නුබියාවේ බොහෝ තැන්වල ඉම්හොතෙප්ට කැප කළ සිද්ධස්ථාන පිහිටා තිබුණේය. ඔහුගේ දේව බලයෙන් රෝග සුව වන බව විශ්වාස කළ බොහෝ දෙනා එම සිද්ධස්ථාන කරා ඇදී යන්නට වූහ. කිසියම් කලෙක ඔහු හා සම්බන්ධ සිද්ධස්ථාන වෛද්ය ශාස්ත්රය උගන්වන මධ්යස්ථාන වශයෙන් ද පැවැති බව පෙනේ. ඉම්හොතෙප් ප්රතිමාවලින් දණහිස් මත පොතක් ඇතිව වාඩි වී සිටින, හිස මුඩු කළ පූජකවරයෙක් නිරූපණය වේ. ග්රීකවරුන් විසින් මෙතෙම රෝග නිවාරණ දෙවියා වූ ඇස්ක්ලීපියස් හා සමතත්වයෙහි ලා සලකනු ලැබීය.<br />
<br />
(සංස්කරණය: 1970)<br />
<br />
[[ප්රවර්ගය: ඇදහිලි හා විශ්වාස - මිසරය]] <br />
<br />
[[ප්රවර්ගය: ඉ]]</div>
Senasinghe