http://encyclopedia.gov.lk/si_encyclopedia/index.php?action=history&feed=atom&title=%E0%B6%89%E0%B6%BB%E0%B6%9A%E0%B7%8A%E0%B6%9A%E0%B7%8F%E0%B6%B8%E0%B6%B8%E0%B7%8A 2026-05-16T04:43:27Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%89%E0%B6%BB%E0%B6%9A%E0%B7%8A%E0%B6%9A%E0%B7%8F%E0%B6%B8%E0%B6%B8%E0%B7%8A&diff=8147&oldid=prev 2025-06-02T04:47:33Z

<p>&#039;ලංකාවේ නැගෙනහිර පළාතේ වූ වැවක් ද එම වැව අවට වූ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ලංකාවේ නැගෙනහිර පළාතේ වූ වැවක් ද එම වැව අවට වූ ගම ද මෙනමින් හැඳින්වේ. ඉරක්කාමම් වැව ලංකාවේ නැගෙනහිර පළාතේ ගල්ඔය නිම්නයේ පිහිටි පැරණි වැවකි. මුඛ පරම්පරාගත කථා අනුව මෙය කෘත්‍රිම ජලාශයක් නොවේ. එය ‘විල්ලුවකි’. පුරාණයේ දී වාරිමාර්ග කටයුතු සඳහා එය ප්‍රයෝජනයට ගත් බව සිතිය හැකිය. ඉරක්කාමම් වැව විශාල ජලාශයක් වශයෙන් සකස් කරන ලද්දේ ඕලන්ද සමයේ සිටි ෆ්‍රෑන්ක් හා බර්නවුන්ඞ් යන නිලධාරීන්ගේ පරිශ්‍රමයෙනි. 1859 දී බ්‍රිතාන්‍ය පාලකයන් විසින් එය ප්‍රතිසංස්කරණය කළ බව සර් හෙන්රි වෝඩ්ගේ සටහන්වල සඳහන්ව ඇත.<br /> <br /> වර්ෂා ජලයෙන් ම පෝෂණය වන මෙය සම්පූර්ණ වශයෙන් පිරුණ විට අක්කර 2,030ක් විශාලය. මෙහි ධාරිතාව අක්කර අඩි 16,067කි. වැව් කණ්ඩිය අඩි 2,650කි. වැව පිහිටි ප්‍රදේශය මුහුදු මට්ටමේ සිට අඩි 78ක් පමණ උසය. වැවෙහි පිටාර ජලය ඊට උතුරු දිගින් වූ සෙංගපොඩි ආරු නම් ගඟට ගලා යයි. සංවර්ධන කටයුතු සම්බන්ධයෙන් ඉරක්කාමම් වැව ද ගල්ඔය නිම්න සංවර්ධන ව්‍යාපාරයට ඇතුළත්ය.<br /> <br /> මෙම වැව අවට ඇති ඉරක්කාමම් ග්‍රාමයට සමන්තුරේ සිට ඇති දුර සැතැපුම් 40කි. ඉරක්කාමම්හි සිට අම්පාරේ දක්වා දුර සැතැපුම් 7ක් පමණ වේ. මුස්ලිම් ජනයා බහුල මෙහි මුස්ලිම් දේවස්ථානයක් ද ඇත.<br /> <br /> (සංස්කරණය: 1970)<br /> <br /> [[ප්‍රවර්ගය: ලංකාවේ වාරි කර්මාන්තය]] <br /> <br /> [[ප්‍රවර්ගය: ඉ]]</div>

Senasinghe