http://encyclopedia.gov.lk/si_encyclopedia/index.php?action=history&feed=atom&title=%E0%B6%89%E0%B7%80%E0%B7%8F%E0%B6%B1%E0%B7%9D%E0%B7%80%E0%B7%9D 2026-05-15T21:36:59Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%89%E0%B7%80%E0%B7%8F%E0%B6%B1%E0%B7%9D%E0%B7%80%E0%B7%9D&diff=8486&oldid=prev 2025-07-17T04:07:59Z

<p>&#039;සමාජවාදි සෝවියට් සමූහාණ්ඩු සංගමයේ සෝවියට් රු...&#039; යොදමින් නව පිටුවක් තනන ලදි</p> <p><b>නව පිටුව</b></p><div>සමාජවාදි සෝවියට් සමූහාණ්ඩු සංගමයේ සෝවියට් රුසියාවට (RSFSR) අයිති ඔබ්ලාස්ටයක් හෙවත් පළාතක් හා එම පළාතෙහි අගනුවර ද මෙනම් වේ. මොස්කව් නගරයට ඊශාන දිගින් වොල්ගා නිම්නයෙහි පිහිටි ඉවානෝවෝ පළාත ව.සැ. 24,500ක් විශාලය. වොල්ගා හා එහි අතු ගංගාවක් වන ඌන්ෂා යන නදීන්ගෙන් පෝෂණය වන මෙහි උතුරු දිග කොටස් වැඩි වශයෙන් කේතුධර වනයෙන් (ටේගා) වැසී ඇත. දකුණු දිග කොටසෙහි කෘෂිකර්මාන්තාදි කටයුතු දියුණු වී තිබේ. මෙය සෝවියට් රුසියාවේ පේෂ කර්මාන්තය මුලින් ම ආරම්භ වූත් ඉතා ම දියුණුව ඇත්තාවූත් ප්‍රදේශයන්ගෙන් එකකි. පේෂ කර්මාන්තය දියුණු හෙයින් ඒ හා ආශ්‍රිත රසායන, සායම් හා මුද්‍රණ කර්මාන්ත ද මෙහි වැඩී ඇත. ඉවානෝවෝ ප්‍රදේශයෙහි බහුලව ලැබෙන පීට් යොදා විදුලිබලය නිපදවන මධ්‍යස්ථාන කීපයක් ම තිබේ.<br /> <br /> 1936 වන තුරු පැවති ඉවානෝවෝ කාර්මික ප්‍රදේශ ඊට අනතුරුව ඉවානෝවෝ හා යාරොස්ලාව්ල් යනුවෙන් කොටස් දෙකකට බෙදනු ලැබීය. කෘෂිකාර්මික වශයෙන් මෙහි රයි හා ඕට් ප්‍රධාන වශයෙන් ද අර්තාපල්, තිරිඟු, බාර්ලි හා ෆ්ලැක්ස් හණ අමතරව ද වගා කරනු ලැබේ. සාමාන්‍ය යුරෝපීය ගොවිපළවල ඇති කරනු ලබන ගව, බැටළු, අශ්ව, කුකුළු, තාරා ආදි සතුන් ඇති කිරීම ද මෙහි දක්නට ලැබේ. ඉවානෝවෝ පළාතේ ජනගහනය (1965) 2,600,000කි.<br /> <br /> ඉවානෝවෝ නගරය සෝවියට් රුසියාවේ කපුපිළී කර්මාන්තයේ ඉතා පැරණි මධ්‍යස්ථානයකි. දැනට ද මෙහි දියුණු පේෂ කර්මාන්තය හා ආශ්‍රිත කර්මාන්ත හැර යන්ත්‍රෝපකරණ නිපැදවීම, ඛනිජ තෙල් පිරිසිදු කිරීම ආදි නවීන කර්මාන්ත ද දියුණු වී තිබේ. 16 වැනි සියවසේ පටන් පැවති ඉවානෝවෝ ග්‍රාමය පසුකාලයේ දී ඇති වූ වොස්නිසියෙන්ස්ක් ග්‍රාමය හා එක්කිරීමෙන් 1861 දී ඉවානෝවෝ නගරය පිහිටුවනු ලැබීය. මෙම නගරය මොස්කව්, ගෝර්කි, යාරොස්ලාව්ල් හා කින්යිෂ්ම නගර හා දුම්රිය මාර්ගවලින් ද සම්බන්ධ වී ඇත. කාර්මික දියුණුව නිසා මෙහි ශීඝ්‍රයෙන් වැඩි වන ජනගහනය (1965) 389,000කි.<br /> <br /> (සංස්කරණය: 1970)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඉ]]</div>

Senasinghe