http://encyclopedia.gov.lk/si_encyclopedia/index.php?action=history&feed=atom&title=%E0%B6%89%E0%B7%83%E0%B6%B6%E0%B7%99%E0%B6%BD%E0%B7%8F_I 2026-05-15T21:37:46Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%89%E0%B7%83%E0%B6%B6%E0%B7%99%E0%B6%BD%E0%B7%8F_I&diff=8496&oldid=prev 2025-07-17T04:36:13Z

<p>&#039;(1451-1504). ස්පාඤ්ඤයේ කැස්ටීල් හා ලෙයෝන් යන ප්‍රදේශ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1451-1504). ස්පාඤ්ඤයේ කැස්ටීල් හා ලෙයෝන් යන ප්‍රදේශවල රාජපදවිය දැරූ ඉසබෙලා කතෝලික ඉසබෙලා නමින් ද ප්‍රසිද්ධව සිටියාය. 1469 දී ඉසබෙලා කුමරිය ස්පාඤ්ඤයේ ඇරගන් ප්‍රදේශයේ ෆර්ඩිනන්ඩ් කුමාරයා සමඟ විවාහ වූවාය. මේ විවාහය ස්පාඤ්ඤ ඉතිහාසයේ වැදගත් සිද්ධියක් වනුයේ එක්සත් ස්පාඤ්ඤයක් ගොඩනැංවීමේ මුල්ගල මේ යුවළ විසින් තබන ලද බැවිනි. ඉසබෙලා කුමරියට කැස්ටීල් හා ලෙයෝන් ප්‍රදේශවල සිහසුන උරුම වූයේ 1474 දී ඇගේ සොහොවුරු හෙන්රි IV රජු මිය ගියාට පසුය. 1479 දී ෆර්ඩිනන්ඩ් කුමාරයාට ඇරගන්හි රාජපදවිය අයත් විය. මෙසේ ග්රැනඩා හා හවාර් වැනි පළාත් කීපයක් හැර සෙසු ස්පාඤ්ඤය එක් රජපවුලක් සතු වීමෙන් ඉහත කී පරිදි නූතන එක්සත් ස්පාඤ්ඤයේ ආරම්භය ඇති විය. අධ්‍යාපන දියුණුව පිණිස කටයුතු කළ ඉසබෙලා කලින් ආණ්ඩුවේ පැවති දූෂණ නැති කොට ස්පාඤ්ඤයේ අනාගත දියුණුව උදෙසා නැණවත්ව රට පාලනය කළාය. <br /> <br /> කොලම්බස් ඇමෙරිකාව සොයාගත්තේ ඉසබෙලා රැජිනගේ අනුග්‍රහයෙනි. දූරදර්ශී ඉසබෙලා බිසව කොලම්බස්ට මුදලින් ආධාරදීමට ඉදිරිපත්ව රාජ්‍ය භාණ්ඩාගාරයේ මුදල් මඳ වී නම් තම ආභරණ හා මුතුමැණික් උකස් කොට හෝ මුදල් දීමට පොරොන්දු වූ බව කියනු ලැබේ.<br /> <br /> (සංස්කරණය: 1970)<br /> <br /> [[ප්‍රවර්ගය: පුද්ගල චරිත - ස්පාඤ්ඤයේ රාෂ්ට්‍ර පාලකයෝ]] <br /> <br /> [[ප්‍රවර්ගය: ඉ]]</div>

Senasinghe