http://encyclopedia.gov.lk/si_encyclopedia/index.php?action=history&feed=atom&title=%E0%B6%8A%E0%B6%9A%E0%B7%8F 2026-05-16T02:41:53Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8A%E0%B6%9A%E0%B7%8F&diff=8252&oldid=prev 2025-06-25T08:46:18Z

<p>&#039;(Ica). පීරූ රටේ නිරිත දිග වෙරළබඩ පළාතකි. වර්ග සැතප...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Ica). පීරූ රටේ නිරිත දිග වෙරළබඩ පළාතකි. වර්ග සැතපුම් 9,800ක් විශාල වූ මෙහි 1961 දී ජනගහනය 261,126ක් විය. ඇන්ඩීස් කෝර්දියේරා කඳු වැටියක බටහිර බෑවුමෙන් හා කාන්තාරයක් බඳු වෙරළබඩ පෙදෙසින් ද යුත් මෙම පළාතෙහි සාරවත් බිම් වශයෙන් ගිණිය හැක්කේ ගංගා නිම්න පමණි. චින්චා, ඊකා, පිස්කෝ හා ග්‍රාන්දි මෙහි ප්‍රධාන ගංගාය. ජලසම්පාදන ක්‍රම බෙහෙවින් යොදා කපු, මිදි හා වෙනත් පලතුරු, දුම්කොළ ආදි වෙළෙඳ බෝග වගා කරනු ලැබේ. ප්‍රාග්-ස්පාඤ්ඤ කාලයට අයත් ජලසම්පාදන ක්‍රමයක් සහිත නස්කා නිම්නය එහි ඇති පුරා වස්තු නිසා ද ප්‍රසිද්ධියක් උසුලයි.<br /> <br /> ඊකා පළාතේ අගනුවර ද එනමි. පැන්-ඇමෙරිකන් මහා මාර්ගයෙන් ද වරායක් සහිත පීස්කෝ නගරය දක්වා වූ දුම්රිය මාර්ගයකින් ද සේවය ලබන ඊකා නගරය වැදගත් වෙළෙඳ මධ්‍යස්ථානයකි. කපු පිළී කම්හල්, කපු තෙල් හා මත්පැන් නිෂ්පාදනාගාර ආදි කාර්මික ස්ථාන මෙන් ම වාණිජ කටයුතු සඳහා වූ බැංකු ආදිය ද එහි ඇත. 1563 දී පිහිටුවන ලද මෙම නගරය දෙවරක් ම භූමිකම්පා නිසා විනාශ වූ නමුදු සිත්ගන්නා අයුරින් ස්පාඤ්ඤ ගෘහනිර්මාණ ශිල්පයට අනුව ප්‍රතිසංස්කරණය කොට ඇත. ජනගහනය (1961) 31,000කි.<br /> <br /> (සංස්කරණය: 1970)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඊ]]</div>

Senasinghe