http://encyclopedia.gov.lk/si_encyclopedia/index.php?action=history&feed=atom&title=%E0%B6%8A%E0%B6%AD%E0%B6%AB
ඊතණ - සංශෝධන ඉතිහාසය
2026-05-14T07:32:07Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%8A%E0%B6%AD%E0%B6%AB&diff=8259&oldid=prev
Senasinghe: '[හෙටෙරොපොගොන් කොන්ටෝටුස් - Heteropogon contortus (L) Beauv]. ලංකාව...' යොදමින් නව පිටුවක් තනන ලදි
2025-06-25T08:52:42Z
<p>'[හෙටෙරොපොගොන් කොන්ටෝටුස් - Heteropogon contortus (L) Beauv]. ලංකාව...' යොදමින් නව පිටුවක් තනන ලදි</p>
<p><b>නව පිටුව</b></p><div>[හෙටෙරොපොගොන් කොන්ටෝටුස් - Heteropogon contortus (L) Beauv]. ලංකාවේ බොහෝ තැන්වල දක්නට ලැබෙන බහුවාර්ෂික පැළෑටියකි. මෙය නිවර්තන හා උප-නිවර්තන ප්රදේශවල වැවේ.<br />
<br />
රොද ගැහී සෘජුව වැඩෙන තෘණ දඬුවල ඉහළ කොටසින් ශාඛා විහිදේ. පත්ර කොපු සිනිඳුය; ජිහ්වලය; කෙටිය. පත්ර තල අඟල් 8ක් පමණ දිගය; පැතළිය; බූ සහිතය. නන්ඩුව අඟල් 4ක් පමණ දිගය. එය ඉවත් කළ විට ඒකාක්ෂයක් අඟල් 2ක් පමණ දිගය. කිණකය ඉතා කෙටිය.<br />
<br />
නන්ඩු සෑදෙන්නට කලින් ගවයෝ ඊතණ කති. නන්ඩුවල තියුණු කිණකයන්ගෙන් සතුන්ගේ ඇස් හා හම තුවාළ විය හැකිය. ඒවා මිනිසුන්ගේ වස්ත්ර හා ශරීර ද පසාරු කරගෙන යයි.<br />
<br />
ඊතණ ග්රමිනේ (Gramineae) කුලයට අයත්ය. <br />
<br />
ආයුර්වේද මතය: සකුබසින් මීට දුර්වා ආදි නම් ව්යවහාර වේ. නීල දුර්වා, ශ්වේත දුර්වා, (එළඊතණ), ගණ්ඩ දුර්වා, මාලා (වල්ලි) දුර්වා යයි ඊතණ ප්රභේද සතරකි. ඇතැම් ග්රන්ථවල ප්රභේද තුනක් ගැන පමණක් සඳහන් වේ.<br />
<br />
නිල දුර්වා මධුරය, තික්තය, ශීතය, රුචිකරය. රත්පිත් අතිසාර නසයි; වා සෙම් උණ පහ කරයි. ශ්වේත දුර්වා අතිශයින් ශීතය, මධුරය; වමන හා පිත් දිනයි; ආමාතිසාර, කාස, දාහ, පිපාස නසයි; රුචිකරය. ගණ්ඩ දුර්වා මධුරය; වා පිත් උණ පහකරයි; ශීතය: භ්රම, තෘෂ්ණා, ශ්රම හා ද්වන්ද්ව දෝෂ ශමනය කරයි. මාලා දුර්වා අතිශයින් මධුරය; ශීතය; පිත් ශමනය කරයි; කළු, වමන, පිපාස දුරුකරයි.<br />
<br />
නීල, ශ්වේත, ගණ්ඩ යන දුර්වා තෙවගය ශීතය, කසටය; රත්පිත් සෙම් පහකරයි. ඒවායේ පත්ර කසටය; ශීත වීර්ය ඇත්තේය; වා සෙම් වඩයි. විසර්ප, රක්තපිත්ත, කුෂ්ඨ, ඡවිගතරෝග, මූත්රාඝාතාදි රෝගයන්ට ද නාසයෙන් ලේ ගැලීම හා වනිතාවන්ගේ ආර්තව දෝෂයන්ට ද ප්රතිකාර වශයෙන් වෙනත් ඖෂධවර්ග සමඟ ඊතණ යොදනු ලැබේ. මේ හැර සර්ප විෂ, කැඩුම් බිඳුම්, වණ තුවාළ ආදි පීඩාවන්ට ද තෙල්, ගුළි, කල්කආදියට ද ඊතණ යොදති.<br />
<br />
(සංස්කරණය: 1970)<br />
<br />
[[ප්රවර්ගය: උද්භිද විද්යාව]] <br />
<br />
[[ප්රවර්ගය: ඊ]]</div>
Senasinghe