http://encyclopedia.gov.lk/si_encyclopedia/index.php?action=history&feed=atom&title=%E0%B6%8A%E0%B6%B1%E0%B7%92%E0%B6%A9%E0%B7%8A 2026-05-16T02:47:07Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8A%E0%B6%B1%E0%B7%92%E0%B6%A9%E0%B7%8A&diff=8264&oldid=prev 2025-06-25T08:57:29Z

<p>&#039;<a href="/si_encyclopedia/index.php?title=%E0%B7%80%E0%B6%BB%E0%B7%8A%E0%B6%A2%E0%B7%92%E0%B6%BD%E0%B7%8A&amp;action=edit&amp;redlink=1" class="new" title="වර්ජිල් (පිටුව නොපවතියි)">වර්ජිල්</a> (පුබ්ලියුස් වෙර්ගිලියුස් මාරෝ) (බ.) වි...&#039; යොදමින් නව පිටුවක් තනන ලදි</p> <p><b>නව පිටුව</b></p><div>[[වර්ජිල්]] (පුබ්ලියුස් වෙර්ගිලියුස් මාරෝ) (බ.) විසින් රෝම රාජ්‍යයේ ප්‍රභවය දක්වනු පිණිස රචිත අතිවිශිෂ්ට ලතින් මහා කාව්‍යයකි. [[ඉලියඩ්]] (බ.) කාව්‍යයෙහි සඳහන් වන ට්‍රෝයානු වීරයකු වූ ඊනියස් පිළිබඳව පසු කාලයෙහි ඇති වූ ජනප්‍රවාද ඊට වස්තු වූයේය. ට්‍රෝයි නගරයේ වැටීමෙන් පසු ඉන් පලා ගිය ඊනියස්ගේ චාරිකා හා වීරක්‍රියා විස්තර කෙරෙන පරිච්ඡේද දොළසකින් යුත් ඊනිඩ් කාව්‍යයෙහි මුල් පරිච්ඡේද හය [[ඔඩිසි]] (බ.) කාව්‍යය අනුගමනය කිරීමෙන් ද අග පරිච්ඡේද හය ඉලියඩ් කාව්‍යය අනුගමනය කිරීමෙන් ද රචනා කොට ඇත.<br /> <br /> තම අනුගාමිකයන් හා සමග ට්‍රෝයි රාජ්‍යයෙන් කාතේජ් රාජ්‍යයට පලා ගිය ඊනියස් එහි රැජිනි වූ ඩීඩෝගේ අධිකතර ප්‍රේමයට භාජන වුව ද එහි නොරැඳී සිසිලිය හරහා ඉතාලියට පැමිණියේය. එහි දී හේ අනාගතවක්තෘවරියකගේ ආධාරය ඇතිව හේඩීස් නමැති මළවුන්ගේ රාජ්‍යයට ද පිවිසියේය. අනතුරුව ටයිබර් ගංමුවදොර පිහිටි ලේෂියම් කරා ඊනියස් පැමිණියෙන් එහි දී ලැටිනස් රජ ඔහු පිළිගෙන තම දියණියන් වූ ලැවිනියා කුමරිය ද පාවා දුන්නේය. පළමුව ඇය හා විවාහ ගිවිස ගෙන සිටි ටුර්නස් ඔවුන්ට එරෙහිව යුදට වන් කල ඊනියස් ඔහු මරා ජය අත් කර ගත්තේය. ඊනිඩ් කාව්‍යය නිම කරන්නට පෙර වර්ජිල් මළ හෙයින් එය අඩාළව, ඇතැම් කවිපද නිමාවට නොපැමිණ ඉතිරිව ඇත.<br /> <br /> වර්ජිල් කවියා ඊනියස්ගේ චරිතයෙහි ලා උදාර චරිතශුද්ධියත් දෘඪ දේශවාත්සල්‍යයත් යන රෝම ජාතිකයන්ගේ උත්කෘෂ්ට ගුණයන් හා හෝමර් විසින් ඊනියස්ට ආරෝපණය කරන ලද ධර්මිෂ්ඨභාවයත් මූර්තිමත් කෙළේය. ඊනිඩ් කාව්‍යයෙහි පරමාර්ථය වූයේ රෝම රාජ්‍යයෙහිත් ඊනියස්ගෙන් පැවත එති යයි දැක්වෙන ඔගස්ටස් රජුගේ පාලනයෙහිත් මහිමය ප්‍රකාශ කිරීමයි.<br /> <br /> ශබ්දමාධුර්යය හා අර්ථගෞරවය අතින් ඊනිඩ් කාව්‍යය ලෝකයේ අන් කවර මහාකාව්‍යයකට වුව ද පසු නොබා පවත්නේය.<br /> <br /> (සංස්කරණය: 1970)<br /> <br /> [[ප්‍රවර්ගය: රෝම සාහිත්‍යය]] <br /> <br /> [[ප්‍රවර්ගය: ඊ]]</div>

Senasinghe