http://encyclopedia.gov.lk/si_encyclopedia/index.php?action=history&feed=atom&title=%E0%B6%8A%E0%B6%BB%E0%B7%92 2026-05-16T01:46:40Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8A%E0%B6%BB%E0%B7%92&diff=8273&oldid=prev 2025-06-25T09:08:56Z

<p>&#039;ඇමෙරිකා එක්සත් ජනපද රාජ්‍යයෙහි පෙන්සිල්වේනි...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ඇමෙරිකා එක්සත් ජනපද රාජ්‍යයෙහි පෙන්සිල්වේනියා ජනපදයේ ඊරි විලෙහි ගිනිකොන ඉවුරේ පිහිටි නගරයකි. වයඹදිග පෙන්සිල්වේනියාවේ ඊරි කෝරළයෙහි ප්‍රධාන නගරය ද වේ. ජනගහනය (1960) 138,440කි.<br /> <br /> ඊරි නගරයෙහි ආරම්භයට මෙන් ම එහි දියුණුවට ද මූලික වී ඇත්තේ එහි වරායයි. වරාය වටා ව.සැ. 19ක් පමණ වසා විහිදී ඇති මෙම නගරයේ නිෂ්පාදන කර්මාන්ත ඉතා දියුණුය, විවිධය. රථවාහන, ධූමරථ උපකරණ, විදුලි භාණ්ඩ, සියුම් කාර්මික උපකරණ, බොයිලේරු, උදුන් ආදි විවිධ යකඩ හා වානේ උපකරණ, ගෘහෝපකරණ, යන්ත්‍රෝපකරණ ආදිය මෙහි නිෂ්පාදනය කෙරේ. ඊරි වරායෙන් පිටවන ද්‍රව්‍ය අතුරෙහි ගල් අඟුරු හා ඛනිජ තෙල් ප්‍රධාන වේ. ධාන්‍ය, පිටි, යපස් හා කැනඩාවෙන් ගෙන්වන කඩදාසි පල්ප් මෙහි ගොඩබාන ද්‍රව්‍ය අතර ප්‍රධානය.<br /> <br /> මනා වූ මංමාවත් හා දුම්රිය සේවා පද්ධතියකින් ද ගුවන්තොටුපළකින් ද ඊරි විල් යාත්‍රාවන්ගෙන් ද යුත් ප්‍රවාහණ පහසුකම් සැලසී තිබීම නගරයෙහි දියුණුවට සාධක වී ඇත. උයන්, පිහිනුම් තටාක, ක්‍රීඩා පිටි, රඟහල් ආදිය ද නගරය දෙපස විල් ඉවුරෙහි පිහිටුවා ඇති විවේක නිවාස ආදිය ද නිසා විශේෂයෙන් ම ග්‍රීෂ්ම ඍතුවේ දී ඊරි නගරය ඉතා ජනප්‍රිය ස්ථානයකි.<br /> <br /> (සංස්කරණය: 1970)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඊ]]</div>

Senasinghe