http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%9A%E0%B7%8A%E0%B6%9B%E0%B7%99%E0%B6%B4%E0%B6%B1%E0%B7%93%E0%B6%BA%E0%B6%9A%E0%B6%B8%E0%B7%8A%E0%B6%B8
උක්ඛෙපනීයකම්ම - සංශෝධන ඉතිහාසය
2026-05-14T22:44:26Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%8B%E0%B6%9A%E0%B7%8A%E0%B6%9B%E0%B7%99%E0%B6%B4%E0%B6%B1%E0%B7%93%E0%B6%BA%E0%B6%9A%E0%B6%B8%E0%B7%8A%E0%B6%B8&diff=8240&oldid=prev
Senasinghe: '(උත්ක්ෂේපණීය කර්මය). උපසපන් මහණුන්ට ඒ ඒ දෝෂය ස...' යොදමින් නව පිටුවක් තනන ලදි
2025-06-23T10:31:23Z
<p>'(උත්ක්ෂේපණීය කර්මය). උපසපන් මහණුන්ට ඒ ඒ දෝෂය ස...' යොදමින් නව පිටුවක් තනන ලදි</p>
<p><b>නව පිටුව</b></p><div>(උත්ක්ෂේපණීය කර්මය). උපසපන් මහණුන්ට ඒ ඒ දෝෂය සඳහා චුල්ලවග්ග-කම්මක්ඛන්ධකයෙහි පනවන ලද සත්වැදෑරුම් කර්මයන් අතුරෙහි එන කර්ම විශේෂයකි. එහි කරුණු තුනක් සඳහා උත්ක්ෂේපණීයකර්මය පනවන ලද්දේය. ඇවතට පැමිණ ඇවත නොදැකීමෙහි නොපිළිගැනීමෙහි එකෙක, ඇවතට පිළියම් නොකිරීමෙහි එකෙක, ලාමක වූ මිථ්යාදෘෂ්ටිය නොහැරීමෙහි එකෙකැයි කියායි. ඇවත නොදැකීම් ආදි හේතුයෙන් ඇවතට පැමිණි මහණහට සඟහු ඤත්තිය සතරවැනි කොට ඇති කර්මවාක්යයෙන් සංඝයා හා සම්භෝග රහිත කොට උත්ක්ෂේපණීයකර්මය කරන්නාහ. යළි මෙනම් මහණ මේ වරද නිසා සංඝයා විසින් සම්භෝග රහිත කොට උත්ක්ෂේපණීයකර්මය කරන ලදැයි ආවාස පිළිවෙළින් දන්වාලිය යුතු වෙයි.<br />
<br />
උත්ක්ෂේපණීයකර්මය කරනු ලැබූ මහණහු විසින් ද සංඝයාගේ චිත්තාරාධනය සඳහා තමහට නියමිත වූ වතෙහි හැසිරිය යුතු වෙයි. එහි ඇවත නොදැක්මෙහි හා ඇවතට පිළියම් නොකිරීමෙහි උක්ඛිත්තකයා විසින් පිරිය යුතු වත තෙසාළිස් වැදෑරුම් වෙයි. මිසදිටු නොහැරීමෙහි උක්ඛිත්තකයා විසින් අටළොස් අඞගයකින් යුක්ත වූ වත පිරිය යුතු වේ. වත්පිරීමෙන් ආරාධිත වූ සංඝයා විසින් ඔහුගේ උත්ක්ෂේපණීයකර්මය ඤත්තිය සතරවැනි කොට ඇති කර්ම වාක්යයෙන් පටිප්පස්සම්භනය කරනු ලැබේ හෙවත් බැහැර කරනු ලැබේ. ඔහු විසින් වත පිරිය යුතු කාලය දසදිනක් හෝ පසළොස් දිනකි. උත්ක්ෂේපණීය විනයකර්මය දොළොස් අයුරකින් අධර්මකර්ම ද දොළොස් අයුරකින් ධර්මකර්ම ද වේ. මෙහි ඇවත නොදැක්මෙහි හා ඇවතට පිළියම් නොකිරීමෙහි උත්ක්ෂේපණීයකර්මය ඡන්න තෙරුන් සඳහා ද ලාමක දෘෂ්ටිය නොහැරීමෙහි උත්ක්ෂේපණීයකර්මය අරිට්ඨ තෙරුන් සඳහා ද පනවන ලද්දේයි.<br />
<br />
(සංස්කරණය: 1970)<br />
<br />
[[ප්රවර්ගය: බෞද්ධ ධර්මපාඨ]] <br />
<br />
[[ප්රවර්ගය: උ]]</div>
Senasinghe