http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%A9%E0%B6%B4%E0%B7%94%E0%B7%83%E0%B7%8A%E0%B7%83%E0%B7%90%E0%B6%BD%E0%B7%8A%E0%B6%BD%E0%B7%8F%E0%B7%80
උඩපුස්සැල්ලාව - සංශෝධන ඉතිහාසය
2026-05-16T01:50:16Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%8B%E0%B6%A9%E0%B6%B4%E0%B7%94%E0%B7%83%E0%B7%8A%E0%B7%83%E0%B7%90%E0%B6%BD%E0%B7%8A%E0%B6%BD%E0%B7%8F%E0%B7%80&diff=8307&oldid=prev
Senasinghe: 'නුවරඑළි දිස්ත්රික්කයට අයත් උඩපළාත කෝරළයේ නු...' යොදමින් නව පිටුවක් තනන ලදි
2025-07-02T07:09:42Z
<p>'නුවරඑළි දිස්ත්රික්කයට අයත් උඩපළාත කෝරළයේ නු...' යොදමින් නව පිටුවක් තනන ලදි</p>
<p><b>නව පිටුව</b></p><div>නුවරඑළි දිස්ත්රික්කයට අයත් උඩපළාත කෝරළයේ නුවරඑළියේ සිට ක’ක්ලිස් කපොල්ල දක්වා වූ මහා මාර්ගයෙහි 21 වැනි සැතැපුමෙහි පිහිටි කුඩා නගරය උඩපුස්සැල්ලාවයි. 20 වැනි ශත වර්ෂය ආරම්භයේ දී නුවරඑළි දිස්ත්රික්කයේ අග්නිදිග පෙදෙස්වල තේ වගාව වැඩි දියුණු කිරීම උදෙසා එකල සෙන්ට් මාග්රට්ස් දක්වා යෝජිත වූ මාර්ගය උඩපුස්සැල්ලාව දක්වා නිම කරන ලද්දේ 1903 පමණේ දීය.<br />
<br />
1856 දී වතුකාර සංගමයේ කොමිටියක් මඟින් ලංකාව වැවිලිකරු ප්රදේශ හැටකට බෙදා වෙන් කළ අවස්ථාවේ දී මෙම නගරය වටා ඇති ප්රදේශය උඩපුස්සැල්ලාව නමින් ම වෙන් කරනු ලැබීය. නුවරඑළි-ක’ක්ලීස් මාර්ගයෙහි 12 වැනි සැතැපුමේ සිට 26 වැනි සැතැපුම් දක්වා අවට ප්රදේශය මෙම වැවිලිකරු දිස්ත්රික්කයට අයත්ය. උපුස්සැල්ලාව නගරය මුහුදු මට්ටමේ සිට අඩි 4,300ක් උසය. එම වැවිලිකරු දිස්ත්රික්කය මුහුදු මට්ටමේ සිට අඩි 3,500-5,500ක් පමණ උසින් පිහිටා ඇත. තේ වගාවට යහපත් සිසිල් දේශගුණය ආදි භෞතික ලක්ෂණයන්ගෙන් යුත් මෙහි තේ වතු ඉතා දියුණුය. උඩපුස්සැල්ලාවේ ක’ක්ලීස් වතුයායේ සාමාන්ය වාර්ෂික වර්ෂාපතනය අඟල් 97.24කි. තේ වගා කළ වතු අක්කර 16,238ක් පමණ 1968 දී මෙහි විය. විශේෂයෙන් ම තේ වතුවල බඩු බාහිරාදිය එහා මෙහා ගෙන යාම උදෙසා නානුඔය දුම්රිය නැවතුම්පොළේ සිට බ්රුක්සයිඩ් හා රාගල දක්වා රජයේ දුම්රිය සේවය මගින් පාලනය කරනු ලබන ලොරි සේවාවක් ද ඇත. මෙහි වතු කිහිපයක ම බෙහෙත් ශාලා තිබේ. ඩෙල්මර් හා මුල්හාල්කැළේ යන ස්ථානයන්හි කුඩා රෝහල් ද උඩපුස්සැල්ලාවේ ප්රධාන රෝහලක් ද ඇත. දුරකථන සේවා උදෙසා ස්වයංක්රිය හුවමාරු ස්ථානයක් සහිත තැපැල් හලක් ද මෙහි තිබේ.<br />
<br />
(සංස්කරණය: 1970)<br />
<br />
[[ප්රවර්ගය: භූගෝල විද්යාව - ලංකාව]] <br />
<br />
[[ප්රවර්ගය: උ]]</div>
Senasinghe