http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%AD%E0%B7%8A%E0%B7%83%E0%B7%8F%E0%B6%AF%E0%B6%B1%E0%B6%BA
උත්සාදනය - සංශෝධන ඉතිහාසය
2026-05-15T09:21:12Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%8B%E0%B6%AD%E0%B7%8A%E0%B7%83%E0%B7%8F%E0%B6%AF%E0%B6%B1%E0%B6%BA&diff=9099&oldid=prev
Senasinghe: 'ශරීරාඞ්ගප්රත්යඞ්ගයන් මර්දනය කිරීම හෙවත් ඇ...' යොදමින් නව පිටුවක් තනන ලදි
2025-11-17T06:46:17Z
<p>'ශරීරාඞ්ගප්රත්යඞ්ගයන් මර්දනය කිරීම හෙවත් ඇ...' යොදමින් නව පිටුවක් තනන ලදි</p>
<p><b>නව පිටුව</b></p><div>ශරීරාඞ්ගප්රත්යඞ්ගයන් මර්දනය කිරීම හෙවත් ඇඟමැඩීම (මිරිකීම) උත්පාදනය නම් වේ. එය ක්රීඩාදියෙහි යෙදීමට යෝග්ය වන පරිදි ශරීරය සකස් කර ගැනීමට උපකාරී වූ ව්යායාමයක් වශයෙන් ද රෝග නාශක පිළියමක් වශයෙන් ද ව්යවහාර වූවකි. වාත්ස්යායන කාමසූත්රයෙහි එය සූසැට කලාවන්ගෙන් එකක් හැටියට හඳුන්වා තිබේ.<br />
<br />
රෝගීන්ට උත්පාදනය කිරීම ප්රෝඩිකස් නමැති ග්රීක් ජාතිකයකු විසින් පළමුවෙන් යොදන ලදැයි රෝම ග්රන්ථ කර්තෘවරයකු වූ ප්ලිනි (ජ්යෙෂ්ඨ) කියයි. ප්රෝඩිකස් ජීවත්ව සිටි කාලය නිශ්චය වශයෙන් කිව නොහැකි වුව ද ඔහු හිපොක්රටීස්ගේ ශිෂ්යයකු බව ප්ලිනි සඳහන් කරන බැවින් ක්රිස්තු පූර්ව පස්වන හෝ සතරවන සියවසේ දී විසූවකු හැටියට සැලකිය හැකිය.<br />
<br />
ෂඩ්වර්ගීය භික්ෂූන් අතර ද උත්සාදනාදි කර්මයන් පැවැති බවත් ඒ බව බුදුරජාණන් වහන්සේට දැන්වූ විට ඇතැම් උත්සාදන ක්රම තහනම් කළ බවත් රෝගී වූ අවස්ථාවක දී පමණක් මල්ලකය (උළන උපකරණයක්?) උපයෝගී කරගැනීමට ඉඩ දුන් බවත් විනය පිටකයේ සඳහන් වේ.<br />
<br />
යුධිෂ්ඨිර රජු ස්නාන සහායකයන් ලවා උත්සාදනය කරවාගෙන සුවඳ ජලයෙන් ස්නානය කළ බව මහාභාරතයේ ද්රෝණ පර්වයෙන් ද භාරද්වාජ සෘෂිවරයාගේ මෙහෙයීමෙන් භරත කුමරුගේ එක් එක් හේවායා තරුණියන් හත්අට දෙනකුන් ලවා උත්සාදනය කරවූ බව හා ඔහුගේ යුද්ධ හමුදාවෙහි උත්සාදකයන් (අඞ්ගමර්දනය කරන්නන්) සිටි බව රාමායණයේ අයෝධ්යා කාණ්ඩයෙන් ද පැවැසේ. ගෘහ්යසූත්ර රචනා කළ කාලයේ දී ද උත්සාදනය ව්යවහාරයෙහි පැවැති බව ස්නාතක බ්රාහ්මණයකු විසින් ඇඳුමෙන් සැරසිය යුත්තේ උත්සාදනයෙන් පසුව යයි පැවසෙන මානව ගෘහ්ය සූත්රයෙන් ද උත්සාදනය කරන අවස්ථාව අනධ්යාය කාලයක් හැටියට හඳුන්වන ශාඞ්ඛායන ගෘහ්ය සූත්රයෙන් ද හෙළි වේ. ශිෂ්යයකු විසින් ගුරුවරයාගේ භාර්යාවට නොකටයුතු ක්රියාවන් වශයෙන් විෂ්ණු ස්මෘතියෙහි ගාත්රෝත්සාදන, අඤ්ජන, කේශ සංයමන, පාදප්රක්ෂාලනාදිය ද මනුස්මෘතියෙහි තෙල් ඇඟගෑම, නැහැවීම, ගාත්රෝත්සාදනය හා කේශප්රසාධනය ද සඳහන් වෙයි. මෘච්ඡකටිකාවෙහි උත්සාදන කර්මයෙහි නිරත වූ උජ්ජයිනියේ වෙළෙඳකු ගැන සඳහන් වේ.<br />
<br />
උත්සාදනය ද්වාදශාකාරයකින් දේහෝපකාරක යයි මල්ල පුරාණයෙන් පැවැසේ. එය වාත, කඵ, මේදස් පහ කරයි; ශක්තිය ගෙන දේ; ගන්ධකරය; අග්නිදීපනය කරයි; ශරීරප්රභාව වඩයි; අලසගතිය, කැසීම්, මල, අරුචි හා ස්වේද පහ කරයි.<br />
<br />
(සංස්කරණය: 1970)<br />
<br />
[[ප්රවර්ගය: වෛද්ය විද්යාව]] <br />
<br />
[[ප්රවර්ගය: උ]]</div>
Senasinghe